30 June, 2020 05:57:59 AM
കോവിഡിന്റെ സങ്കീർണമായ കാലഘട്ടം വരാനിരിക്കുന്നതേ ഉള്ളൂ - ലോകാരോഗ്യ സംഘടന
ജനീവ: കോവിഡ് വൈറസിന്‍റെ സങ്കീർണമായ കാലഘട്ടം വരാനിരിക്കുന്നതേ ഉള്ളൂവെന്ന് ലോകാരോഗ്യ സംഘടന. ലോകാരോഗ്യ സംഘടന ചലവൻ ടെഡ്രോസ് അഥനം ഗബ്രിയേസിസ് ആണ് ഇക്കാര്യം വ്യക്തമാക്കിയത്. പരിശോധനയും, സാമൂഹിക അകലം പാലിക്കലും മാത്രമാണ് കോവിഡിനെ തുരത്താനുള്ള പ്രധാന മാർഗങ്ങളെന്നും അദ്ദേഹം ആവർത്തിച്ചു.
ലോകജനതയ്ക്ക് ഒന്നാകെ ഈ മഹാമാരിയിൽ നിന്ന് രക്ഷപ്പെടേണ്ടതുണ്ട്. എന്നാൽ, കോവിഡ് അതിന്‍റെ ഭീതിജനകമായ ഘട്ടം കടന്നിട്ടില്ലെന്നതാണ് വസ്തുത. ചില രാജ്യങ്ങളിൽ കോവിഡ് വ്യാപനത്തിന്‍റെ തോത് കുറഞ്ഞിട്ടുണ്ടെങ്കിലും ആഗോളതലത്തിൽ വൈറസ് വ്യാപനം വളരെ വേഗത്തിലാണ്.- ടെഡ്രോസ് അഥനം കൂട്ടിച്ചേർത്തു
