12 February, 2020 08:43:13 PM
വീട്ടിനുള്ളിൽ അഞ്ച് പേരുടെ മൃതദേഹം; മരിച്ചവരിൽ രണ്ട് കുട്ടികളും
ദില്ലി: രണ്ടു കുട്ടികൾ ഉൾപ്പെടെ അഞ്ചംഗ കുടുംബത്തെ വീട്ടിനുള്ളിൽ മരിച്ച നിലയിൽ കണ്ടെത്തി. ദില്ലി ഭജൻപുരയിലാണ് സംഭവം. മരിച്ചവരിൽ മൂന്ന് മുതിർന്നവുരും രണ്ടു കുട്ടികളുമാണ് ഉൾപ്പെട്ടിട്ടുള്ളത്. മൃതദേഹങ്ങൾക്ക് നാല് ദിവസത്തെ പഴക്കമുണ്ടെന്നാണ് പ്രാഥമിക നിഗമനം. ഓട്ടോറിക്ഷാ ഡ്രൈവറായ ശംഭു (43), ഭാര്യ സുനിത (38) എന്നിവരും 16 ഉം 12ഉം വയസുള്ള മക്കളുമാണ് മരിച്ചത്. ആറു മാസം മുൻപാണ് ഇവർ ഭജൻപുര ജില്ലയിൽ താമസം തുടങ്ങിയത്. കൂടുതൽ വിവരങ്ങൾ പോലീസ് പുറത്തുവിട്ടിട്ടില്ല.
