12 February, 2020 08:28:28 AM
ഫീസടച്ചില്ല: സ്കൂൾ അധികൃതർ വിദ്യാർഥികളെ ജിമ്മിൽ പൂട്ടിയിട്ടു; അന്വേഷണം ആരംഭിച്ചു
ദുബായ്: ഫീസടക്കാത്തതിന്‍റെ പേരിൽ സ്കൂൾ അധികൃതർ വിദ്യാർഥികളെ ജിമ്മിൽ പൂട്ടിയിട്ടതായി പരാതി. ദുബായിലെ അൽ ഖസൈസിലെ സ്കൂളിലാണ് സംഭവം. സ്കൂൾ മാനേജ്മെന്‍റിന്‍റെ നിർദേശപ്രകാരം രക്ഷിതാക്കൾ എത്തുന്നതുവരെയാണ് വിദ്യാർഥികളെ പൂട്ടിയിട്ടത്.
വിദ്യാർഥികളിൽ ചിലർ മൊബൈൽ ഫോണിൽ പകർത്തിയ ദൃശ്യങ്ങൾ പോലീസിനെ അറിയിച്ചതിനെ തുടർന്നാണ് സംഭവം പുറത്തറിയുന്നത്. ഹ്യൂമൻ ഡെവലപ്‌മെന്‍റ് അതോറിറ്റി അന്വേഷണം പ്രഖ്യാപിച്ചു. എന്നാൽ സ്കൂൾ അധികൃതർ ആരോപണം നിഷേധിച്ചിട്ടുണ്ട്.
