12 February, 2020 08:19:52 AM
999 രൂപയ്ക്കും പറക്കാം: വമ്പന്‍ വാലന്‍റൈൻസ് ഡേ ഓഫറുമായി ഇന്‍ഡിഗോ എയര്‍ലൈന്‍സ്
മുംബൈ: പ്രത്യേക വാലന്‍റൈൻസ് ഡേ സെയിലിൽ യാത്രക്കാര്‍ക്ക് വമ്പന്‍ ഓഫറുമായി ഇന്‍ഡിഗോ എയര്‍ലൈന്‍സ്. ആഭ്യന്തര റൂട്ടുകളിൽ വെറും 999 രൂപ മുതലുള്ള ടിക്കറ്റുകളാണ് ലഭ്യമാക്കിയിരിക്കുന്നത്. ചൊവ്വാഴ്ച മുതല്‍ വെള്ളിയാഴ്ച വരെ പത്ത് ലക്ഷം യാത്രക്കാര്‍ക്കാണ് ടിക്കറ്റ് ബുക്ക് ചെയ്യാനുള്ള അവസരം.
മാര്‍ച്ച് ഒന്ന് മുതല്‍ സെപ്റ്റംബര്‍ 30 വരെയുള്ള യാത്രകള്‍ക്കായിട്ടുള്ളതാണ് ഈ വമ്പന്‍ ഓഫര്‍. എച്ച്ഡിഎഫ്സി പേസാപ്പ് വാലറ്റ് വഴി ടിക്കറ്റ് ബുക്ക് ചെയ്യുന്ന ഉപഭോക്താക്കൾക്ക് 1000 രൂപ വരെ അല്ലെങ്കിൽ 15 ശതമാനം അധിക കാഷ്ബാക്ക് ലഭിക്കുമെന്നും എയർലൈൻസ് അറിയിപ്പിൽ പറയുന്നു.
