29 January, 2020 10:51:41 AM
ഒഡീഷയില്‍ ബസ് പാലത്തില്‍നിന്നു താഴേക്ക് പതിച്ച് ഒന്‍പത് മരണം; 41 പേര്‍ക്ക് പരിക്ക്
ഭുവനേശ്വര്‍: ഒഡീഷയില്‍ ബസ് പാലത്തില്‍നിന്നു താഴേക്ക് പതിച്ച് ഒന്‍പത് പേര്‍ മരിച്ചു. 41 പേർക്ക് പരിക്കേറ്റു. ബുധനാഴ്ച പുലർച്ചെ മൂന്നിനായിരുന്നു സംഭവം. ഗഞ്ചാം ജില്ലയിലെ തപ്തപാനി ഘാട്ടിന് സമീപമുള്ള പാലത്തില്‍ നിന്നാണ് ബസ് നിയന്ത്രണംവിട്ട് താഴേയ്ക്ക് പതിച്ചത്.
ബെര്‍ഹാംപൂരില്‍ നിന്നും ടിക്രിയിലേക്ക് പോവുകയായിരുന്ന ബസാണ് അപകടത്തില്‍പ്പെട്ടത്. പരിക്കേറ്റവരെ ബെര്‍ഹാംപൂരിലും, ദിഗപഹാന്‍ഡിയിലുമുള്ള ആശുപത്രിയിലായി പ്രവേശിപ്പിച്ചിരിക്കുകയാണ്.
