18 May, 2017 04:07:49 PM
കലാഭവൻ മണിയുടെ മരണം: അന്വേഷണം സി.ബി.എെ ഏറ്റെടുത്തു
കൊച്ചി: നടൻ കലാഭവൻ മണിയുടെ മരണം സംബന്ധിച്ച അന്വേഷണംസി.ബി.എെ ഏറ്റെടുത്തു. സി.ബി.എെയുടെ കൊച്ചി യൂണിറ്റിലെ ഡി.വൈ.എസ്.പി ജോർജ്ജ് ജെയിംസിനാണ് കേസിന്‍റെ അന്വേഷണ ചുമതല.കേസ് ഫയലുകള്‍ ചാലക്കുടി പൊലീസ് സിബിഐക്ക് കൈമാറി.
നേരത്തെ മണിയുടെ മരണത്തിന്‍റെ അന്വേഷണം സി.ബി.എെ ഏറ്റെടുക്കണമെന്ന് ഹൈക്കോടതി ഉത്തരവിട്ടിരുന്നു. മണിയുടെ മരണത്തിൽ അസ്വഭാവികതയോ ദുരുഹതയോ കണ്ടെത്താനായിട്ടില്ലെന്നും അതിനാൽ കേസ് ഏറ്റെടുക്കാൻ കഴിയില്ലെന്നുമുള്ള സി.ബി.എെയുടെ സത്യവാങ്മൂലം തള്ളിക്കൊണ്ടായിരുന്നു കോടതി ഉത്തരവ്. ഇതിന് പിന്നാലെയാണ് കേസ് സി.ബി.എെ ഏറ്റെടുത്തിരിക്കുന്നത്.
