01 September, 2016 08:13:04 PM
പെണ്‍കുട്ടികളുടെ മുന്നില്‍ നഗ്നതാ പ്രദര്‍ശനം: നടന്‍ ശ്രീജിത്ത് രവിയെ കസ്റ്റഡിയിലെടുത്തു
പാലക്കാട് : സ്കൂൾ വിദ്യാർഥിനികളുടെ മുന്നിൽ നഗ്നതാ പ്രദർശനം നടത്തിയെന്ന പേരിൽ സിനിമാ നടൻ ശ്രീജിത്ത് രവിയെ പൊലീസ് കസ്റ്റഡിയിലെടുത്തു. പാലക്കാട് ഒറ്റപ്പാലം സ്റ്റേഷനിൽ സ്വകാര്യ സ്കൂൾ പ്രിൻസിപ്പൾ നൽകിയ പരാതിയിലാണ് നടപടി. പെണ്‍കുട്ടികളുടെ സമീപം കാര്‍ നിര്‍ത്തി നഗ്നത പ്രദര്‍ശിപ്പിക്കുകയും പെണ്‍കുട്ടികളെ ഉള്‍പ്പെടുത്തി സെല്‍ഫി എടുക്കുകയും ചെയ്ത സംഭവത്തില്‍ നടൻ ശ്രീജിത്ത് രവിക്കെതിരെ ഒറ്റപ്പാലം പൊലീസിൽ പരാതി നൽകിയിരുന്നു. പാലക്കാടിനടുത്തുള്ള കൊല്ലങ്കാേട്ടെ ഷൂട്ടിങ് ലൊക്കേഷനിൽ നിന്നാണ് ശ്രീജിത്ത് രവിയെ പൊലീസ് കസ്റ്റഡിയിലെടുത്തത്.
ആഗസ്റ്റ് 27നാണ് സംഭവം. സ്കൂളിലേക്ക് സംഘമായി പോകുകയായിരുന്ന പെണ്‍കുട്ടികള്‍ക്കടുത്തത്തെി കാറിന്‍െറ ഡ്രൈവര്‍ സീറ്റിലിരുന്നു നഗ്നത പ്രദര്‍ശിപ്പിക്കുകയും കുട്ടികള്‍ ഉള്‍പ്പെടുന്ന തരത്തില്‍ സെല്‍ഫി എടുക്കുകയുമായിരുന്നുവെന്നാണ് പരാതി. കുട്ടികള്‍ ബഹളംവെച്ചതോടെ ഇയാള്‍ പെട്ടെന്നു കാര്‍ ഓടിച്ചുപോയത്രെ. സംഭവം അറിഞ്ഞ് രക്ഷിതാക്കള്‍ ഒറ്റപ്പാലം പൊലീസ് സ്റ്റേഷനിലത്തെി പരാതി നല്‍കുകയായിരുന്നു. അതേസമയം കാർ തന്‍റേതായിരുന്നുവെന്നും ഞാൻ നിരപരാധിയാണെന്നും നടൻ പറഞ്ഞു.
