31 May, 2023 01:23:51 PM
ഗുസ്തിതാരങ്ങളുടെ സമരത്തെ പിന്തുണച്ച് ടൊവിനോ തോമസ്

തിരുവനന്തപുരം: ഗുസ്തിതാരങ്ങള്ക്ക് പിന്തുണയുമായി നടന് ടൊവിനോ തോമസ് രംഗത്ത്. നമ്മുടെ രാജ്യത്തെ ഏതൊരു സാധാരണക്കാരനും അര്ഹിക്കുന്ന നീതി ഇവര്ക്ക് ലഭിക്കാതെ പോയിക്കൂടായെന്നും എതിര്പക്ഷത്ത് നില്ക്കുന്നവര് ശക്തരായത് കൊണ്ട് ഇവര് തഴയപ്പെട്ടു കൂടെന്നും ടൊവിനോ ഇന്സ്റ്റഗ്രാമില് കുറിച്ചു. നമ്മുടെ രാജ്യത്തെ ഏതൊരു സാധാരണക്കാരനും അര്ഹിക്കുന്ന നീതി ഇവര്ക്ക് ലഭിക്കാതെ പോയിക്കൂടാ എന്ന് അദ്ദേഹം ഇന്സ്റ്റഗ്രാമില് കുറിച്ചു.
"അന്താരാഷ്ട്ര കായിക വേദികളില് നമ്മുടെ യശസ്സ് ഉയര്ത്തി പിടിച്ചവരാണ്, ഒരു ജനതയുടെ മുഴുവന് പ്രതീക്ഷകള്ക്ക് വിജയത്തിന്റെ നിറം നല്കിയവര് ! ആ പരിഗണനകള് വേണ്ട , പക്ഷേ നമ്മുടെ രാജ്യത്തെ ഏതൊരു സാധാരണക്കാരനും അര്ഹിക്കുന്ന നീതി ഇവര്ക്ക് ലഭിക്കാതെ പോയിക്കൂടാ , എതിര്പക്ഷത്ത് നില്ക്കുന്നവര് ശക്തരായത് കൊണ്ട് ഇവര് തഴയപ്പെട്ടു കൂടാ." - ഇപ്രകാരമാണ് ടൊവിനോ കുറിച്ചത്.