05 April, 2016 10:21:33 AM
പ്രിയങ്ക ചോപ്രയ്ക്ക് വൈറ്റ് ഹൗസിലേക്ക് ഒബാമയുടെ ക്ഷണം
വാഷിങ്ടണ്‍: ബോളിവുഡ് നടി പ്രിയങ്ക ചോപ്രയ്ക്ക് വൈറ്റ് ഹൗസിലേക്ക് ഒബാമയുടെ ക്ഷണം. ഒരു നേരത്തെ ഭക്ഷണം കഴിക്കാന്‍ ബോളിവുഡ് നടി പ്രിയങ്ക ചോപ്ര വാഷിങ്ടണിലേക്ക് പറക്കാനൊരുങ്ങുന്നു. പ്രിയങ്ക ചോപ്രക്ക് പുറമെ ഹോളിവുഡ് നടനായ ബ്രാഡ്ലി കൂപ്പര്‍, നടിമാരായ ലൂസി ലിയു, ജാനേ ഫോണ്ട എന്നിവരെയും ഗായിക ഗ്ളാഡി നൈറ്റിനെയും ചടങ്ങിലേക്ക് ക്ഷണിച്ചിട്ടുണ്ട്.
വര്‍ഷാവര്‍ഷം ഒബാമയുടെ വസതിയായ വൈറ്റ് ഹൗസില്‍ സംഘടിപ്പിക്കുന്ന ഡിന്നര്‍ സല്‍ക്കാരത്തിലേക്കാണ് സൂപ്പര്‍ താരത്തിന് ക്ഷണംകിട്ടിയത്. ഈ മാസമായിരിക്കും പരിപാടി. ഈ വര്‍ഷത്തോടെ ഭരണ കാലാവധി അവസാനിക്കുന്ന ഒബാമ സംഘടിപ്പിക്കുന്ന അവസാനത്തെ സല്‍ക്കാരമായിരിക്കും ഇത്.
എന്നാല്‍ പ്രിയങ്ക പരിപാടിയില്‍ പങ്കെടുക്കുമോ എന്ന കാര്യം ഉറപ്പിച്ചിട്ടില്ല. കാരണം ഇപ്പോള്‍ പ്രിയങ്ക കാനഡയില്‍ അമേരിക്കന്‍ ടെലിവിഷന്‍ സീരിയലില്‍ അഭിനയിച്ചുകൊണ്ടിരിക്കുകയാണ്.
