15 November, 2022 08:50:03 AM
ഗവര്‍ണര്‍ക്കെതിരേ എല്‍ഡിഎഫിന്‍റെ രാജ്ഭവന്‍ മാര്‍ച്ച് ഇന്ന്; മുഖ്യമന്ത്രിയും മന്ത്രിമാരും പങ്കെടുക്കില്ല
തിരുവനന്തപുരം : ഗവര്‍ണര്‍ക്ക് എതിരേ ചൊവ്വാഴ്ച എല്‍ഡിഎഫിന്‍റെ ആഭിമുഖ്യത്തില്‍ രാജ് ഭവന്‍ മാര്‍ച്ച്. ഉന്നത വിദ്യാഭ്യാസ സംരക്ഷണ കൂട്ടായ്മയുടെ പേരിലുള്ള മാര്‍ച്ച് സിപിഎം ജനറല്‍ സെക്രട്ടറി സീതാറാം യെച്ചൂരി ഉദ്ഘാടനം ചെയ്യും. മാര്‍ച്ചിൽ ഒരു ലക്ഷം പേരെ അണിനിരത്തും. കേരളത്തിനെതിരായ നീക്കം ചെറുക്കുക, ഉന്നത വിദ്യാഭ്യാസ മേഖലയെ സംരക്ഷിക്കുക എന്നിവയാണ് മുദ്രാവാക്യങ്ങള്‍.
പ്രതിഷേധ സമരംപ്രതിഷേധത്തില്‍ മുഖ്യമന്ത്രിയും മന്ത്രിമാരും പങ്കെടുക്കേണ്ടെന്നാണ് പാര്‍ട്ടി തീരുമാനം. ഡിഎംകെ രാജ്യസഭാ നേതാവ് തിരുച്ചി ശിവ മാര്‍ച്ചിൽ പങ്കെടുക്കും. എന്നാല്‍ എല്‍ഡിഎഫ് രാജ്ഭവന്‍ വളയല്‍ സമരം ഇന്ന് നടത്താനിരിക്കെ ഔദ്യോഗിക പരിപാടികളുമായി ബന്ധപ്പെട്ട് ഗവര്‍ണര്‍ ആരിഫ് മുഹമ്മദ് ഖാന്‍ ഡല്‍ഹിയില്‍ തുടരുകയാണ്.
