ഏറ്റുമാനൂര്: വെട്ടിമുകള് സെന്റ് പോള്സ് സ്കൂള് അധ്യാപിക കോവിഡ് ബാധിച്ച് കോട്ടയം മെഡിക്കല് കോളേജില് മരിച്ചു. പുന്നത്തുറ വള്ളിയാംപൊയ്കയില് റജിയുടെ ഭാര്യ എന്.ബി.ഏലിയാമ്മ (54) ആണ് മരിച്ചത്. ഉദരസംബന്ധമായ അസുഖത്തെതുടര്ന്ന് മൂന്നാഴ്ച മുമ്പ് ആശുപത്രിയില് പ്രവേശിപ്പിക്കപ്പെട്ട ഏലിയാമ്മ ശസ്ത്രക്രീയ കഴിഞ്ഞ് ചികിത്സയില് തുടരവെ മൂന്ന് ദിവസം മുമ്പാണ് കോവിഡ് സ്ഥിരീകരിച്ചത്.
വെള്ളിയാഴ്ച രാത്രി ഒമ്പതര മണിയോടെയാണ് മരണം സംഭവിച്ചത്. മംഗളം കോളേജിന് സമീപമാണ് ഇവരുടെ കുടുംബം ഇപ്പോള് താമസിക്കുന്നത്. അഭിജിത്, അപ്പുണ്ണി എന്നിവര് മക്കളാണ്. ഏലിയാമ്മയ്ക്ക് ആശുപത്രിയില് കൂട്ടിരുന്ന മകന് അഭിജിത്തിനും കോവിഡ് പോസിറ്റീവാണ്. ഇയാളെ കോവിഡ് വാര്ഡിലേക്ക് മാറ്റി. ഏലിയാമ്മയുടെ സംസ്കാരം കോവിഡ് പ്രോട്ടോക്കോള് അനുസരിച്ച് പിന്നീട് നടക്കും.