05 August, 2022 08:07:45 AM
രാജ്യത്ത് 19,893 പേർക്ക് കൂടി കോവിഡ്: ചികിത്സയിൽ 1.36 ലക്ഷം പേർ; മരണം 5,26,530 ആയി
ന്യൂഡൽഹി: രാജ്യത്ത് കോവിഡ് കേസുകളുടെ എണ്ണത്തിൽ നേരിയ വർധന. കഴിഞ്ഞ 24 മണിക്കൂറിനിടെ 19,893 പുതിയ കേസുകൾ റിപ്പോർട്ട് ചെയ്തതായി കേന്ദ്ര ആരോഗ്യമന്ത്രാലയം അറിയിച്ചു. ഇതോടെ രാജ്യത്ത് കോവിഡ് സ്ഥിരീകരിക്കപ്പെട്ടവരുടെ എണ്ണം 4,40,87,037 ആയി. ഇന്നലെ 53 മരണങ്ങളും റിപ്പോർട്ട് ചെയ്തു. ആകെ മരണസംഖ്യ 5,26,530 ആയി. ചികിത്സയിലുള്ളവരുടെ എണ്ണം 1,36,478 ആയി. ആകെ രോഗബാധിതരുടെ 0.31 ശതമാനമാണ് നിലവിലെ സജീവ കേസുകള്‍. രാജ്യത്തെ രോഗമുക്തി നിരക്ക് 98.5 ശതമാനം.
