05 June, 2022 08:19:42 AM
കുരങ്ങുപനിയെന്ന് സംശയം: ഗാസിയാബാദിൽ സാമ്പിള്‍ പരിശോധനയ്ക്കയച്ചു
ഗാസിയാബാദ്: കുരങ്ങുപനിയെന്ന സംശയത്തെത്തുടര്‍ന്ന് ഉത്തര്‍പ്രദേശിലെ ഗാസിയാബാദില്‍ പെണ്‍കുട്ടിയില്‍ നിന്നെടുത്ത സാമ്പിള്‍ പരിശോധനയ്ക്കയച്ചു. പൂനയിലെ നാഷണല്‍ ഇന്‍സ്റ്റിറ്റ്യൂട്ട് ഓഫ് വൈറോളജിയിലേക്കാണ് സാമ്പിള്‍ പരിശോധനയ്ക്ക് അയച്ചതെന്നു കുട്ടിയെ ചികിത്സിച്ച രണ്ടു ഡോക്ടര്‍മാര്‍ വാര്‍ത്താ ഏജന്‍സിയോട് സ്ഥിരീകരിച്ചു. കുട്ടിയെ ഐസൊലേഷനിലാക്കുകയും ചെയ്തു.
അതേസമയം രാജ്യത്ത് ഇതുവരെ കുരുങ്ങുപനി റിപ്പോര്‍ട്ട് ചെയ്തിട്ടില്ലാത്തതിനാൽ അനാവശ്യഭീതി സൃഷ്ടിക്കരുതെന്നു കേന്ദ്രസര്‍ക്കാര്‍ മുന്നറിയിപ്പു നല്‍കി. ലോകമെമ്പാടും ഇതുവരെ എഴുന്നൂറോഓളം പേര്‍ക്കാണു കുരങ്ങുപനി സ്ഥിരീകരിച്ചത്.
