15 October, 2021 09:20:59 PM
ട്രാക്ടര്‍-ട്രോളി മറിഞ്ഞ് നാല് കുട്ടികൾ ഉൾപ്പെടെ 11 പേര്‍ മരിച്ചു; ആറ് പേര്‍ക്ക് പരിക്ക്
ഝാന്‍സി: ഉത്തര്‍പ്രദേശില്‍ ട്രാക്ടര്‍-ട്രോളി മറിഞ്ഞ് നാല് കുട്ടികൾ ഉൾപ്പെടെ 11 പേര്‍ മരിച്ചു. ആറ് പേര്‍ക്ക് പരിക്കേറ്റു. ഝാന്‍സിയിലെ ചിര്‍ഗാവിലാണ് സംഭവം. റോഡിനു കുറുകെ കടന്ന കന്നുകാലിയെ ഇടിക്കാതിരിക്കാൻ ഡ്രൈവര്‍ പെട്ടെന്ന് ബ്രേക്ക് ചെയ്തതോടെ വാഹനം തലകീഴായി മറിയുകയായിരുന്നു. വാഹനത്തില്‍ 30 പേര്‍ ഉണ്ടായിരുന്നു. മധ്യപ്രദേശിലെ പണ്‍ഡോഖറില്‍നിന്ന് ഇറാച്ചിലേക്ക് പോകുകയായിരുന്ന കുടുംബാംഗങ്ങളാണ് അപകടത്തില്‍പ്പെട്ടതെന്ന് എസ്പി ശിവഹരി മീണ പറഞ്ഞു.
