14 October, 2019 12:12:46 PM
ഉത്തർപ്രദേശിലെ മൗവിൽ ഗ്യാസ് സിലിണ്ടർ പൊട്ടിത്തെറിച്ച് ഇരുനില കെട്ടിടം തകർന്നു: പത്ത് മരണം; 15 പേർക്ക് പരിക്ക്
ലക്നൗ: ഉത്തർപ്രദേശിലെ മൗവിൽ ഗ്യാസ് സിലിണ്ടർ പൊട്ടിത്തെറിച്ച് ഇരുനില കെട്ടിടം തകർന്ന് പത്ത് പേർ മരിച്ചു. 15 പേർക്ക് പരിക്ക്. മൗവിലെ മുഹമ്മദാബാദിൽ തിങ്കളാഴ്ച രാവിലെയായിരുന്നു സംഭവം. നിരവധി പേർ കെട്ടിടാവശിഷ്ടങ്ങൾക്കിടയിൽ കുടുങ്ങി കിടക്കുന്നതായാണ് വിവരം. പരിക്കേറ്റവരെ ആശുപത്രിയിൽ പ്രവേശിപ്പിച്ചു. ഇവർക്ക് മികച്ച ചികിത്സ നൽകണമെന്ന് മുഖ്യമന്ത്രി യോഗി ആദ്യത്യനാഥ് നിർദേശിച്ചിട്ടുണ്ട്.
