05 December, 2025 12:20:19 PM
ദേവസ്വം ബോർഡ് പ്രസിഡന്റ് കെ. ജയകുമാറിനെ അയോഗ്യനാക്കണം; ഹർജിയുമായി ബി.അശോക്
കൊച്ചി:തിരുവിതാംകൂര് ദേവസ്വം ബോര്ഡ് പ്രസിഡന്റായി നിയമിക്കപ്പെട്ട കെ. ജയകുമാറിനെ അയോഗ്യനായി പ്രഖ്യാപിക്കണമെന്നാവശ്യപ്പെട്ട് ഹര്ജി. സര്ക്കാരിന്റെ ശമ്പളം പറ്റുന്ന പദവി വഹിക്കുന്നയാള് തിരുവിതാംകൂര് ദേവസ്വം ബോര്ഡ് അംഗമോ, പ്രസിഡന്റോ ആകുന്നതിന് അയോഗ്യതയുണ്ടെന്ന് ചുണ്ടിക്കാട്ടി കാര്ഷികോത്പാദന കമ്മിഷണര് ഡോ. ബി. അശോക് ആണ് ഹര്ജി നല്കിയത്. തിരുവനന്തപുരം പ്രിന്സിപ്പല് ജില്ലാ കോടതി ഹര്ജി ഫയലില് സ്വീകരിച്ചു. ഐഎംജി ഡയറക്ടര് ആയിരിക്കെയാണ് കെ ജയകുമാറിനെ തിരുവിതാംകൂര് ദേവസ്വം ബോര്ഡ് പ്രസിഡന്റായി സര്ക്കാര് നിയമിച്ചത്. അശോകിന്റെ ഹര്ജി കോടതി ഫയലില് സ്വീകരിച്ചു. ഹര്ജിയില് ജയകുമാറിനും ദേവസ്വം സെക്ട്രടറിക്കും കോടതി നോട്ടീസ് അയച്ചു.
