13 October, 2019 11:16:24 AM
മുംബൈ ചാർണി റോഡിലുള്ള ബഹുനില പാര്‍പ്പിട സമുച്ചയത്തില്‍ വൻ തീപിടിത്തം
മുംബൈ: ചാർണി റോഡിലുള്ള ബഹുനില പാര്‍പ്പിട സമുച്ചയത്തില്‍ വൻ തീപിടിത്തം. ഡ്രീംലാൻഡ് സിനിമ ഹാളിനു സമീപമുള്ള മൂന്നു നില കെട്ടിടത്തിലാണ് തീപിടത്തമുണ്ടായത്. കെട്ടിടത്തിന്‍റെ വിവിധ നിലകളില്‍ കുടുങ്ങിയവരെ ക്രെയിന്‍ ഉപയോഗിച്ചു പുറത്തെത്തിച്ചു. ഇന്ന് പുലർച്ചെയാണ് കെട്ടിടത്തിൽ നിന്ന് തീ കണ്ടത്. പുക ഉയര്‍ന്നതോടെ ആളുകള്‍ കെട്ടിടത്തില്‍ കുടുങ്ങി. ഫയര്‍ എഞ്ചിനുകള്‍ സ്ഥലത്തെത്തിയാണ് രക്ഷാപ്രവർത്തനം നടത്തിയത്.
