23 June, 2017 05:48:54 PM
വീണ്ടും പനിമരണം, ഇക്കുറി തൊടുപുഴയില്‍
തൊടുപുഴ: പനി പിടിച്ച് സംസ്ഥാനത്ത് ഒരു മരണംകൂടി. തൊടുപുഴ കുടയത്തൂർ സ്വദേശി സന്ധ്യ രഘുവാണ് മരിച്ചത്. എച്ച് വണ്‍ എൻ വണ്‍ ബാധയെന്നാണ് സംശയം. പനി പിടിച്ച് ഇന്ന് മരിച്ചവരുടെ എണ്ണം ഇതോടെ അഞ്ചായി.
പാലക്കാട് ആലത്തൂർ സ്വദേശിയായ ഒരു വയസുള്ള ആണ്‍കുട്ടിയും തൃശൂർ സ്വദേശികളായ സുജാത, വത്സ,ബിനിത, എന്നിവരുമാണ് ഇന്ന് പനി ബാധിച്ച് മരിച്ച മറ്റു നാലുപേര്‍. നിയന്ത്രണവിധേയമാണെന്ന് പറയുമ്പോഴും പനിമരണം തടയുവാൻ സാധിക്കാത്ത സാഹചര്യമാണുള്ളത്.
ഈ പശ്ചാത്തലത്തിൽ സർക്കാർ ഇന്ന് വൈകുന്നേരം സർവകക്ഷി യോഗവും ഓരോ മന്ത്രിമാരുടെയും അധ്യക്ഷതയിൽ ഓരോ ജില്ലകളിലും പ്രത്യേകയോഗവും വിളിച്ചിട്ടുണ്ട്.
