20 July, 2023 07:29:40 AM
കന്നുകാലിക്ക് തീറ്റ പറിക്കുന്നതിനിടെ യുവാവിനെ കടുവ കൊന്നുതിന്നു
ലക്നോ: ഉത്തര്‍പ്രദേശില്‍ യുവാവിനെ കടുവ കൊന്നു. സൗത്ത് ഖേരി ഫോറസ്റ്റ് ഡിവിഷനിലെ മുഹമ്മദി റേഞ്ചിലുള്ള ഉദയ്പുര്‍ ഗ്രാമത്തിലാണ് സംഭവം. 22കാരനായ രോഹിത് ആണ് കൊല്ലപ്പെട്ടത്. കന്നുകാലിക്ക് തീറ്റ പറിക്കുന്നതിനിടെയാണ് രോഹിതിനെ കടുവ ആക്രമിച്ചത്.
കടുവ ഭാഗികമായി ഭക്ഷിച്ച രോഹിതിന്‍റെ മൃതശരീരം അധികൃതര്‍ കണ്ടെത്തിയിട്ടുണ്ട്. മൃതദേഹം പോസ്റ്റുമോര്‍ട്ടത്തിനായി ആശുപത്രിയിലേക്ക് മാറ്റി. ഗ്രാമവാസികൾ അതീവശ്രദ്ധ പാലിക്കണമെന്ന് വനംവകുപ്പ് നിർദേശിച്ചിട്ടുണ്ട്.
