16 December, 2019 01:59:23 PM
ജാമിഅ, അലിഗഢ് സംഭവങ്ങള്‍ നിര്‍ഭാഗ്യകരം; കുറ്റക്കാര്‍ക്കെതിരെ കര്‍ശന നടപടിയെടുക്കണം: മായാവതി
ന്യൂഡല്‍ഹി: ജാമിഅ മിലിയ ഇസ്ലാമിയ, അലിഗഢ് സര്‍വകലാശാലകളില്‍ നടന്ന സംഘര്‍ഷം സംബന്ധിച്ച്‌ കേന്ദ്ര-സംസ്ഥാന സര്‍ക്കാറുകള്‍ ഉന്നതതല ജുഡീഷ്യല്‍ അന്വേഷണം നടത്തണമെന്നും കുറ്റക്കാര്‍ക്കെതിരെ കര്‍ശന നടപടിയെടുക്കണമെന്നും ബി.എസ്.പി നേതാവ് മായാവതി.
'ജാമിഅ മിലിയ ഇസ്ലാമിയയിലെയും അലിഗഢ് സര്‍വകലാശാലയിലെയും അനിഷ്ട സംഭവങ്ങള്‍ നിര്‍ഭാഗ്യകരമാണ്. നിരപരാധികളായ നിരവധി വിദ്യാര്‍ഥികളെയും പൗരന്മാരെയും ഇത് ബാധിച്ചു. അവര്‍ക്കുള്ള ബി.എസ്.പിയുടെ ഐക്യദാര്‍ഢ്യം അറിയിക്കുന്നു' -മായാവതി ട്വിറ്ററില്‍ കുറിച്ചു.
കുറ്റക്കാരെ കണ്ടെത്തി ശിക്ഷിച്ചില്ലെങ്കില്‍ ഈ തീ രാജ്യം മുഴവന്‍ പടരും. പ്രത്യേകിച്ച്‌ വിദ്യാഭ്യാസ സ്ഥാപനങ്ങളില്‍. പ്രശ്നബാധിത പ്രദേശങ്ങളില്‍ സമാധാനം പാലിക്കാന്‍ എല്ലാ മതവിഭാഗത്തില്‍പ്പെട്ടവരും തയാറാകണമെന്ന് അഭ്യര്‍ഥിക്കുന്നു'- അവര്‍ പറഞ്ഞു
