02 March, 2016 11:05:05 PM
തടയാൻ തീരുമാനിച്ചാൽ തടഞ്ഞിരിക്കണം
ഉമ്മൻ ചാണ്ടിയെ തടയുവാൻ പ്രതിപക്ഷം തീരുമാനിച്ചു.
പോകുന്നിടത്തെല്ലാം കരിങ്കൊടിയുമായി പ്രവർത്തകർ..
എന്നാൽ തീരുമാനിച്ചുറച്ച എല്ലാ പരിപാടികളിലും
ഉമ്മൻ ചാണ്ടി കൃത്യമായി പങ്കെടുത്തു പ്രസംഗിക്കുന്നുമുണ്ട്!
പ്രതിസന്ധികളെ അതിജീവിക്കുന്നവനാണ് നമ്മുടെ മുഖ്യമന്ത്രി
എന്ന് തോന്നിപ്പിച്ചു അദേഹത്തെ കരുത്തനാക്കാനാണോ ഈ പരിപാടി?
പ്രബലകക്ഷിക്ക് മുഖ്യമന്ത്രിയുടെ ഒരു പരിപാടിയെങ്കിലും തടസ്സപ്പെടുത്താൻ കഴിയില്ലെങ്കിൽ
പിന്നെ എന്തിനീ സമരാഭാസം? വഴിതടയൽ വഴിപാട്??
എ കെ 47 കൊണ്ടുവരുന്നവനെ മൊട്ടു സൂചികൊണ്ട് പ്രതിരോധിക്കുന്ന
പഴയ 'ജയൻ' സൂപ്പർ താരമായ പോലെ
ഉമ്മൻ ചാണ്ടിയേയും താരമാക്കാനേ ഈ പരിപാടിക്കു കഴിയൂ..
മുഖ്യമന്ത്രിയെ (ആരെയും) തടയരുത്. തടയാൻ തീരുമാനിച്ചാൽ തടഞ്ഞിരിക്കണം.
അല്ലെങ്കിൽ ആർക്കൊക്കെയോ എന്തൊക്കെയോ 'തടഞ്ഞിരിക്കുന്നു'
എന്നേ ജനങ്ങൾ കരുതൂ...
- ഹരിയേറ്റുമാനൂര്
