14 January, 2022 02:27:15 PM


നി​യ​മ​പോ​രാ​ട്ടം തു​ട​രു​മെ​ന്ന് സി​സ്റ്റ​ർ അ​നു​പ​മ; വി​ധി​ക്കെ​തി​രെ അ​പ്പീ​ൽ പോ​കു​മെ​ന്ന് പ്രോ​സി​ക്യൂ​ഷ​ൻ



കോട്ടയം: ബി​ഷ​പ് ഫ്രാ​ങ്കോ മു​ള​യ്ക്ക​ലി​നെ കു​റ്റ​വി​മു​ക്ത​നാ​ക്കി​യ കോ​ട​തി വി​ധി​ക്കെ​തി​രെ അ​പ്പീ​ൽ പോ​കു​മെ​ന്ന് പ്രോ​സി​ക്യൂ​ഷ​ൻ. ശ​ക്ത​മാ​യ തെ​ളി​വു​ക​ളാ​ണ് പ്രോ​സി​ക്യൂ​ഷ​ൻ സ​മ​ർ​പ്പി​ച്ചി​രു​ന്ന​ത്. കേ​സി​ൽ ഒ​രു സാ​ക്ഷി​പോ​ലും കൂ​റു​മാ​റി​യി​രു​ന്നി​ല്ല.

എ​ന്താ​ണ് സം​ഭ​വി​ച്ച​തെ​ന്ന് അ​റി​യി​ല്ലെ​ന്നും ശി​ക്ഷ ല​ഭി​ക്കു​മെ​ന്നാ​ണ് ക​രു​തി​യി​രു​ന്ന​തെ​ന്നും പ​ബ്ലി​ക് പ്രോ​സി​ക്യൂ​ട്ട​ര്‍ ജി​തേ​ഷ് ജെ. ​ബാ​ബു വ്യ​ക്ത​മാ​ക്കി. അതേസമയം, നി​യ​മ പോ​രാ​ട്ടം തു​ട​രു​മെ​ന്നും കോ​ട​തി​യി​ൽ നി​ന്നും നീ​തി ല​ഭി​ച്ചി​ല്ലെ​ന്നും ബിഷപ്പിനെതിരേയുള്ള പ​രാ​തി​ക്കാ​രി​യു​ടെ സ​ഹ​പ്ര​വ​ർ​ത്ത​ക​യാ​യ സി​സ്റ്റ​ർ അ​നു​പ​മ. കേ​സി​ൽ അ​പ്പീ​ലി​ന് പോ​കും. ഒ​പ്പം നി​ന്ന എ​ല്ലാ​വ​ർ​ക്കും ന​ന്ദി​യ​റി​യി​ക്കു​ന്നു​വെ​ന്നും സി​സ്റ്റ​ർ അ​നു​പ​മ പ്ര​തി​ക​രി​ച്ചു.


കന്യാസ്ത്രീ നൽകിയ പരാതിയിൽ ജ​ല​ന്ധ​ർ ബി​ഷ​പ് ഡോ. ​ഫ്രാ​ങ്കോ മു​ള​യ്ക്ക​ൽ കു​റ്റ​വി​മു​ക്ത​നാണന്ന കോടതിയുടെ വിധി വന്നപ്പോൾ ബിഷപ് ഫ്രാങ്കോ പിന്നീടുന്നത് മൂന്നു വർഷത്തിലേറെ നീണ്ട പോരാട്ടം. കോ​ട്ട​യം ജി​ല്ലാ അ​ഡീ​ഷ​ന​ൽ സെ​ഷ​ൻ​സ് കോ​ട​തി ജ​ഡ്ജി ജി. ​ഗോ​പ​കു​മാ​റാ​ണ് വി​ധി പ​റ​ഞ്ഞ​ത്. മി​ഷ​ന​റീ​സ് ഓ​ഫ് ജീ​സ​സ് സ​ന്യാ​സ സ​ഭാം​ഗ​വും കു​റ​വി​ല​ങ്ങാ​ട് നാ​ടു​കു​ന്ന് മ​ഠ​ത്തി​ലെ അ​ന്തേ​വാ​സി​യു​മാ​യ ക​ന്യാ​സ്ത്രീ ന​ൽ​കി​യ പ​രാ​തി​യി​ലാ​ണു കു​റ​വി​ല​ങ്ങാ​ട് പോ​ലീ​സ് കേ​സ് ര​ജി​സ്റ്റ​ർ ചെ​യ്ത​ത്.

2014 മു​ത​ൽ 2016 വ​രെ​യു​ള്ള കാ​ല​യ​ള​വി​ൽ ഡോ. ​ഫ്രാ​ങ്കോ മു​ള​യ്ക്ക​ൽ ക​ന്യാ​സ്ത്രീ​യെ പീ​ഡി​പ്പിച്ചെന്നായിരുന്നു പ്രോ​സി​ക്യൂ​ഷ​ൻ കേ​സ്. വി​ധി കേ​ട്ട​തി​നു ശേ​ഷം വി​കാ​രനി​ർ​ഭ​ര​നാ​യ ബി​ഷ​പ് കോ​ട​തി​ക്കു പു​റ​ത്തി​റ​ങ്ങി ത​ന്‍റെ അ​ഭി​ഭാ​ഷ​ക​രെ ആ​ലിം​ഗ​നം ചെ​യ്തു പൊ​ട്ടി​ക്ക​ര​ഞ്ഞു. വി​ധി കേ​ട്ട​തി​നു ശേ​ഷം ദൈ​വ​ത്തി​നു സ്തു​തി എ​ന്നാ​ണ് ബി​ഷ​പ് പ​റ​ഞ്ഞ​ത്.

ബി​ഷ​പ് ഡോ. ​ഫ്രാ​ങ്കോ മു​ള​യ്ക്ക​ലി​നെ രാ​വി​ലെ ഒ​ന്പ​തി​നു ത​ന്നെ കോ​ട​തി​യി​ലെ​ത്തി​ച്ചി​രു​ന്നു. പീ​ഡ​നം, ത​ട​ഞ്ഞു​വ​യ്ക്ക​ൽ, ഭീ​ഷ​ണി​പ്പെ​ടു​ത്ത​ൽ ഉ​ൾ​പ്പെ​ടെ ഏ​ഴു വ​കു​പ്പു​ക​ളാ​ണു ബി​ഷ​പ് ഫ്രാ​ങ്കോ​യ്ക്കെ​തി​രെ ചു​മ​ത്തി​യ​ത്. 2,000 പേ​ജു​ള്ള കു​റ്റ​പ​ത്ര​ത്തി​ൽ അ​ഞ്ചു ബി​ഷ​പ്പു​മാ​ർ, 11 വൈ​ദി​ക​ർ, 25 ക​ന്യാ​സ്ത്രീ​ക​ൾ, ഏ​ഴു മ​ജി​സ്ട്രേ​ട്ടു​മാ​ർ എ​ന്നി​വ​ർ ഉ​ൾ​പ്പെ​ടെ 89 സാ​ക്ഷി​ക​ളാ​ണു​ണ്ടാ​യി​രു​ന്ന​ത്. 10 പേ​രു​ടെ ര​ഹ​സ്യ​മൊ​ഴി​യും രേ​ഖ​പ്പെ​ടു​ത്തി. ഒരു സാക്ഷി പോലും കേസിൽ കൂറുമാറിയില്ല.

ക​ർ​ദി​നാ​ൾ മാ​ർ ജോ​ർ​ജ് ആ​ല​ഞ്ചേ​രി, പ​ഞ്ചാ​ബി​ലെ ഭ​ഗ​ത്പു​ർ ബി​ഷ​പ് ഡോ. ​കു​ര്യ​ൻ വ​ലി​യ​ക​ണ്ട​ത്തി​ൽ, ഉ​ജ്ജ​യി​ൻ ബി​ഷ​പ് സെ​ബാ​സ്റ്റ്യ​ൻ വ​ട​ക്കേ​ൽ, പാ​ലാ രൂ​പ​ത വി​കാ​രി ജ​ന​റ​ൽ ഫാ. ​ജോ​സ​ഫ് ത​ട​ത്തി​ൽ തു​ട​ങ്ങി 39 സാ​ക്ഷി​ക​ളെ വി​സ്ത​രി​ച്ചു. ഇ​ര​യാ​യ ക​ന്യാ​സ്ത്രീ​യെ 12 ദി​വ​സം വി​സ്ത​രി​ച്ചു. 122 പ്ര​മാ​ണ​ങ്ങ​ളും നാ​ലു തൊ​ണ്ടി​മു​ത​ലു​ക​ളും ഹാ​ജ​രാ​ക്കി.

പ്ര​തി​ഭാ​ഗ​ത്തു​നി​ന്ന് ആ​റു സാ​ക്ഷി​ക​ളെ​യും വി​സ്ത​രി​ച്ചു. 105 ദി​വ​സ​ത്തെ വി​സ്താ​ര​ത്തി​നു ശേ​ഷ​മാ​ണ് കേ​സി​ൽ വി​ധി വ​രു​ന്ന​ത്. പ്രോ​സി​ക്യൂ​ഷ​നു വേ​ണ്ടി സ്പെ​ഷ​ൽ പ്രോ​സി​ക്യൂ​ട്ട​ർ ജി​തേ​ഷ് ജെ. ​ബാ​ബു​വും സു​ബി​ൻ കെ. ​വ​ർ​ഗീ​സും പ്ര​തി​ഭാ​ഗ​ത്തി​നു വേ​ണ്ടി അ​ഭി​ഭാ​ഷ​ക​രാ​യ കെ. ​രാ​മ​ൻ​പി​ള്ള, സി.​എ​സ്. അ​ജ​യ​ൻ എ​ന്നി​വ​രു​മാ​ണു ഹാ​ജ​രാ​യ​ത്.

2018 ജൂ​ണി​ലാ​ണ് കേ​സ് റ​ജി​സ്റ്റ​ർ ചെ​യ്യു​ന്ന​ത്. വൈ​ക്കം മു​ൻ ഡി​വൈ​എ​സ്പി കെ.​സു​ഭാ​ഷി​ന്‍റെ നേ​തൃ​ത്വ​ത്തി​ൽ അ​ന്വേ​ഷ​ണം ന​ട​ത്തി​യ കേ​സി​ൽ 2018 സെ​പ്റ്റം​ബ​ർ 21ന് ​ഫ്രാ​ങ്കോ​യെ അ​റ​സ്റ്റ് ചെ​യ്തു. 25 ദി​വ​സ​ത്തെ ജ​യി​ൽ​വാ​സ​ത്തി​നു ശേ​ഷം ജാ​മ്യം ല​ഭി​ച്ചു. പാ​ലാ ഒ​ന്നാം ക്ലാ​സ് ജു​ഡീ​ഷ്യ​ൽ മ​ജി​സ്ട്രേ​ട്ട് കോ​ട​തി​യി​ൽ വി​ചാ​ര​ണ ആ​രം​ഭി​ച്ചെ​ങ്കി​ലും പി​ന്നീ​ട് കോ​ട്ട​യ​ത്തെ ജി​ല്ലാ അ​ഡീ​ഷ​ന​ൽ സെ​ഷ​ൻ​സ് കോ​ട​തി​യി​ലേ​ക്കു മാ​റ്റു​ക​യാ​യി​രു​ന്നു. ന​ട​പ​ടി​ക​ൾ റി​പ്പോ​ർ​ട്ട് ചെ​യ്യു​ന്ന​തി​നു മാ​ധ്യ​മ​ങ്ങ​ൾ​ക്കു കോ​ട​തി​യു​ടെ വി​ല​ക്കു​ണ്ടാ​യി​രു​ന്നു.

വി​ധി പ്ര​ഖ്യാ​പ​നം കേ​ട്ട​ശേ​ഷം വി​കാ​ര​ഭ​രി​ത​നാ​യ ബി​ഷ​പ് ഡോ. ​ഫ്രാ​ങ്കോ മു​ള​യ്ക്ക​ൽ ദൈ​വ​ത്തി​നു സ്തു​തി എ​ന്നാ​ണ് പ​റ​ഞ്ഞ​ത്. ത​ന്‍റെ അ​ഭി​ഭാ​ഷ​ക​രെ കെട്ടിപ്പിടിച്ചു പൊ​ട്ടി​ക്ക​ര​ഞ്ഞു​കൊ​ണ്ടാ​ണ് ത​ന്‍റെ നന്ദി പ്ര​ക​ട​മാ​ക്കി​യ​ത്. വി​ധി കേ​ട്ട​തി​നു ശേ​ഷം നി​ര​വ​ധി ​പേ​രാ​ണ് ബി​ഷ​പി​നു പി​ന്തു​ണ​യുമാ​യി എ​ത്തി​യ​ത്. വി​വി​ധ​യി​ട​ങ്ങ​ളി​ൽനി​ന്നു കോ​ട​തി പ​ര​സ​ര​ത്തു വി​ശ്വാ​സി​ക​ൾ എ​ത്തി​ച്ചേ​ർ​ന്നി​രു​ന്നു. ല​ഡു അ​ട​ക്ക​മു​ള്ള മ​ധു​ര വി​ത​ര​ണ​വും കോ​ട​തി പ​രി​സ​ര​ത്തു ന​ട​ത്തി.


Share this News Now:
  • Google+
Like(s): 5.8K