11 November, 2021 04:08:27 PM


മോ​ൻ​സ​ണ്‍ കേ​സ്: കോ​ട​തി​ക്ക് മു​ന്നി​ൽ ഉ​രു​ളേ​ണ്ടെ​ന്ന് ഡി​ജി​പി​യോ​ട് ഹൈ​ക്കോ​ട​തി



കൊ​ച്ചി: മോ​ൻ​സ​ണ്‍ മാ​വു​ങ്ക​ലി​നെ​തി​രാ​യ കേ​സി​ൽ ഡി​ജി​പിയെ (ഡ​യ​റ​ക്ട​ർ ജ​ന​റ​ൽ ഓ​ഫ് പ്രോ​സി​ക്യൂ​ഷ​ൻ) വി​മ​ർ​ശി​ച്ച് ഹൈ​ക്കോ​ട​തി. മോ​ൻ​സ​ണ്‍ കേ​സി​ൽ സ​ർ​ക്കാ​ർ ന​ൽ​കി​യ സ​ത്യ​വാ​ങ്മൂ​ല​ത്തി​ലെ പൊ​രു​ത്ത​ക്കേ​ട് ചൂ​ണ്ടി​ക്കാ​ട്ടി​യാ​ണ് കോ​ട​തി വി​മ​ർ​ശ​നം ഉ​ന്ന​യി​ച്ച​ത്. നേ​ര​ത്തെ മോ​ൻ​സ​ണ്‍ മാ​വു​ങ്ക​ലി​ന്‍റെ ഡ്രൈ​വ​ർ അ​ജി​ത്ത് ന​ൽ​കി​യ ഹ​ർ​ജി പ​രി​ഗ​ണി​ക്കു​ന്ന​തി​നി​ടെ കേ​സു​മാ​യി ബ​ന്ധ​പ്പെ​ട്ട മു​ഴു​വ​ൻ രേ​ഖ​ക​ളും ഹാ​ജ​രാ​ക്കാ​ൻ സ​ർ​ക്കാ​രി​നോ​ട് കോ​ട​തി ആ​വ​ശ്യ​പ്പെ​ട്ടി​രു​ന്നു. ഉ​ദ്യോ​ഗ​സ്ഥ​ർ​ക്കെ​തി​രെ എ​ന്ത് ന​ട​പ​ടി സ്വീ​കരിച്ചു​വെ​ന്നും വ്യ​ക്ത​മാ​ക്ക​ണ​മെ​ന്നും കോ​ട​തി ആ​വ​ശ്യ​പ്പെ​ട്ടി​രു​ന്നു. ഇ​ത് അ​നു​സ​രി​ച്ച് ഇ​ന്ന് ഡി​ജി​പി ഈ ​റി​പ്പോ​ർ​ട്ട് സ​മ​ർ​പ്പി​ച്ചു.

ഇ​തി​നി​ടെ​യി​ലാ​ണ് സ​ത്യ​വാ​ങ്മൂ​ല​ത്തി​ലെ പോ​രു​ത്ത​ക്കേ​ട് ചൂ​ണ്ടി​ക്കാ​ട്ടി കോ​ട​തി വി​മ​ർ​ശ​നം ഉ​ന്ന​യി​ച്ച​ത്.​ആ​ദ്യ സ​ത്യ​വാ​ങ്മൂ​ല​ത്തി​ൽ മൂ​ന്ന് ക​ത്തു​ക​ൾ ഉ​ണ്ടെ​ന്ന് പ​റ​യു​ന്നു. ഡി​ജി​പി​യാ​യി​രു​ന്ന ലോ​ക്നാ​ഥ് ബെ​ഹ്റ​യും എ​ഡി​ജി​പി മ​നോ​ജ് എ​ബ്രാ​ഹാ​മും അ​യ​ച്ച ക​ത്തി​ന്‍റെ അ​ടി​സ്ഥാ​ന​ത്തി​ലാ​ണ് അ​ന്വേ​ഷ​ണം ആ​രം​ഭി​ച്ച​തെ​ന്ന് പ​റ​യു​ന്നു. എ​ന്നാ​ൽ ഇ​പ്പോ​ൾ സ​മ​ർ​പ്പി​ച്ച റി​പ്പോ​ർ​ട്ടി​ൽ പ​റ​യു​ന്ന​ത് ഒ​രു ക​ത്തും ഒ​രു നോ​ട്ടും ഉ​ണ്ടെ​ന്നാ​ണ്. അ​ങ്ങ​നെ​യെ​ങ്കി​ൽ മ​നോ​ജ് എ​ബ്രാ​ഹം ക​ത്ത​യ​ച്ചി​ല്ല എ​ന്ന​ല്ലേ മ​ന​സി​ലാ​ക്കേ​ണ്ട​തെ​ന്നും ജ​സ്റ്റീ​സ് ദേ​വ​ൻ രാ​മ​ച​ന്ദ്ര​ൻ ചോ​ദി​ച്ചു. ഡി​ജി​പി​യോ​ട് സ​ത്യ​വാ​ങ്മൂ​ലം വാ​യി​ച്ചു നോ​ക്കാ​നും കോ​ട​തി ആ​വ​ശ്യ​പ്പെ​ട്ടു.

ഇ​തി​നി​ടി​യി​ലാ​ണ് ലോ​ക്നാ​ഥ് ബെ​ഹ്റെ​യും മ​നോ​ജി​നെ​യും കോ​ട​തി വി​മ​ർ​ശി​ച്ച​ത്. ലോ​ക്നാ​ഥ് ബെ​ഹ്റ​യും മ​നോ​ജ് എ​ബ്ര​ഹാ​മും എ​ന്തി​ന് മോ​ൻ​സ​ന്‍റെ വീ​ട്ടി​ൽ പോ​യി​യെ​ന്നും കോ​ട​തി ചോ​ദി​ച്ചു. പോ​ലീ​സ് മേ​ധാ​വി​യും എ​ഡി​ജി​പി​യും വെ​റു​തെ ഒ​രു വീ​ട്ടി​ൽ പോ​കു​മോ എ​ന്നും ജ​സ്റ്റീ​സ് ദേ​വ​ൻ രാ​മ​ച​ന്ദ്ര​ൻ ചോ​ദി​ച്ചു. ഇ​തി​നു മ​റു​പ​ടി​യാ​യി സ​ർ​ക്കാ​രി​ന് ഒ​ന്നും മ​റ​ച്ചു​വ​യ്ക്കാ​നി​ല്ലെ​ന്നും അ​നി​ത പു​ല്ലെ എ​ന്ന വി​ദേ​ശ മ​ല​യാ​ളി ക്ഷ​ണി​ച്ചി​ട്ടാ​ണ് അ​വ​ർ അ​വി​ടെ പോ​യ​തെ​ന്നും ഡി​ജി​പി പ​റ​ഞ്ഞു. അ​വി​ടെ പു​രാ​വസ്തുവും പെ​യ്ന്‍റിം​ഗും കാ​ണാ​നാ​ണ് പോ​യ​തെ​ന്നും ഡി​ജി​പി വി​ശ​ദീ​ക​രി​ച്ചു.

എ​ങ്കി​ൽ സം​ശ​യം തോ​ന്നി​യ ഇ​വ​ർ എ​ന്തു​കൊ​ണ്ട് മോ​ൻ​സ​നെ​തി​രെ കേ​സെ​ടു​ത്തി​ല്ല. ഒ​രാ​ൾ ഇ​പ്പോ​ഴും സ​ർ​വീ​സി​ൽ ഉ​ണ്ട​ല്ലോ. അ​ങ്ങ​നെ അന്ന് മോ​ൻ​സ​നെ​തി​രെ കേ​സെ​ടു​ത്തി​രു​ന്നെ​ങ്കി​ൽ ഇ​പ്പോ​ൾ കു​ട്ടി​യെ പീ​ഡി​പ്പി​ച്ച കേ​സും പോ​ക്സോ കേ​സും ഉ​ണ്ടാ​കി​ല്ല. കോ​ട​തി​ക്ക് മു​ന്നി​ൽ ഉ​രു​ളേ​ണ്ടെ​ന്നും ഡി​ജി​പി​യോ​ട് ഹൈ​ക്കോ​ട​തി പ​റ​ഞ്ഞു. കോ​ട​തി ചോ​ദ്യ​ങ്ങ​ൾ ചോ​ദി​ക്കു​കൊ​ണ്ടി​രി​ക്കു​മെ​ന്നും ജ​സ്റ്റീ​സ് ദേ​വ​ൻ രാ​മ​ച​ന്ദ്ര​ൻ വ്യ​ക്ത​മാ​ക്കി. കേ​സി​ൽ ഇ​ഡി​ക്ക് ക​ത്ത് അ​യ​ച്ചു എ​ന്നു പ​റ​യു​ന്നു. എ​ന്തു​കൊ​ണ്ടാ​ണ് പി​ന്നീ​ട് അ​ന്വേ​ഷ​ണം ന​ട​ന്നി​ല്ല. കോ​ട​തി​യി​ൽ ഹ​ർ​ജി വ​രു​ന്ന​തു​വ​രെ നിങ്ങൾക്ക് മോ​ൻ​സ​ണ്‍ വി​ശു​ദ്ധ​നാ​യി​രു​ന്നി​ല്ലെ​യെ​ന്നും കോ​ട​തി ചോ​ദി​ച്ചു. ഒ​ന്നും ഒ​ളി​ച്ചു​വ​യ്ക്കാ​തെ വി​ശ​ദ​മാ​യ അ​ന്വേ​ഷ​ണം വേ​ണം. കേ​സി​ൽ ഇ​ഡി​യെ ക​ക്ഷി ചേ​ർ​ക്കാ​നും കോ​ട​തി നി​ർ​ദേ​ശി​ച്ചു.



Share this News Now:
  • Mail
  • Whatsapp whatsapp
Like(s): 5.5K