03 June, 2022 11:56:58 AM


ഉ​മ​യ്ക്ക് റെക്കോർഡ് ഭൂരിപക്ഷം; തോ​ൽ​വി സ​മ്മ​തി​ച്ച് സി​പി​എമ്മും സ്ഥാനാർഥിയും



കൊ​ച്ചി: തൃക്കാക്കര മണ്ഡലത്തിലെ ഉയര്‍ന്ന ഭൂരിപക്ഷം കരസ്ഥമാക്കി ഉമ തോമസ്. 2011 ലെ ബെന്നി ബഹന്നാന്‍റെ 22,406 ഭൂരിപക്ഷം മറികടന്നു. ഒരു റൗണ്ട് വോട്ടെണ്ണല്‍ അവശേഷിക്കെ ഉമയുടെ ലീഡ് 22,483 ആയി. വോ​ട്ടെ​ണ്ണ​ൽ പ​കു​തി പി​ന്നി​ട്ട​പ്പോ​ൾ ത​ന്നെ പി.​ടി.​തോ​മ​സി​ന്‍റെ ലീ​ഡ് ഉ​മാ തോ​മ​സ് മ​റി​ക​ട​ന്ന​തും ശ്ര​ദ്ധേ​യ​മാ​യി.

വോ​ട്ടെ​ണ്ണി​യ സ്ഥ​ല​ങ്ങ​ളി​ലെ​ല്ലാം ഉ​മ വ്യ​ക്ത​മാ​യ മു​ന്നേ​റ്റ​മാ​ണ് ന​ട​ത്തി​യ​ത്. പത്ത് റൗ​ണ്ടു​ക​ളി​ൽ ഒ​ന്നി​ൽ പോ​ലും എ​ൽ​ഡി​എ​ഫ് സ്ഥാ​നാ​ർ​ഥി​ക്ക് മേ​ൽ​കൈ നേ​ടാ​ൻ ക​ഴി​ഞ്ഞി​ല്ല. വോ​ട്ടെ​ണ്ണ​ൽ പ​കു​തി പി​ന്നി​ട്ട​പ്പോ​ൾ ത​ന്നെ സി​പി​എം നേ​തൃ​ത്വം തോ​ൽ​വി സ​മ്മ​തി​ക്കു​ക​യും ചെ​യ്തു.

കൊ​ച്ചി​യു​ടെ വി​വി​ധ കേ​ന്ദ്ര​ങ്ങ​ളി​ൽ യു​ഡി​എ​ഫ് പ്ര​വ​ർ​ത്ത​ക​ർ ആ​ഹ്ലാ​ദ​പ്ര​ക​ട​നം തു​ട​ങ്ങി. ആ​ദ്യ നാ​ല് റൗ​ണ്ട് പി​ന്നി​ട്ട​പ്പോ​ൾ ത​ന്നെ പ്ര​വ​ർ​ത്ത​ക​ർ ജ​യം ഉ​റ​പ്പി​ച്ച മ​ട്ടി​ലാ​യി​രു​ന്നു. വി.​ഡി.​സ​തീ​ശ​ന്‍റെ നേ​തൃ​ത്വ​ത്തി​ലു​ള്ള നേ​താ​ക്ക​ളെ​ല്ലാം എ​റ​ണാ​കു​ളം ഡി​സി​സി ഓ​ഫീ​സി​ൽ എ​ത്തി​യി​ട്ടു​ണ്ട്.


ഉമാ തോമസിൻ്റെ  വിജയം അംഗീകരിക്കുന്നതായി എൽഡിഎഫ് സ്ഥാനാർഥി ജോ ജോസഫ്. ജനവിധി അംഗീകരിക്കുന്നു. എന്നെ പാർട്ടി ഉത്തരവാദിത്വം ഏൽപ്പിച്ചു. അത് തന്നാലാവും വിധം ഏറ്റവും ഭംഗിയായി നിറവേറ്റി. തോൽവിയുടെ കാരണങ്ങൾ പാർട്ടി പരിശോധിക്കട്ടേ എന്നും അദ്ദേഹം മാധ്യമങ്ങളോട് പറഞ്ഞു.


Share this News Now:
  • Mail
  • Whatsapp whatsapp
Like(s): 6.2K