02 January, 2016 02:14:11 PM


അടിസ്ഥാന സൗകര്യങ്ങളില്ലാത്ത സ്കൂളുകള്‍ക്ക് ഫിറ്റ്നസ് നല്‍കില്ല: പി.കെ. അബ്‌ദുറബ്ബ്‌




മലപ്പുറംഅടിസ്‌ഥാന- ഭൗതിക സൗകര്യങ്ങള്‍ ഒരുക്കാത്ത സ്‌കൂളുകള്‍ക്ക്‌ അടുത്ത അധ്യയന വര്‍ഷം മുതല്‍ ഫിറ്റ്‌നസ്‌ നല്‍കില്ലെന്നു വിദ്യാഭ്യാസ വകുപ്പ്‌ മന്ത്രി പി.കെ. അബ്‌ദുറബ്ബ്‌ .  .ഇക്കാര്യം സമയബന്ധിതമായി പരിശോധിച്ച്‌ റിപ്പോര്‍ട്ട്‌ നല്‍കേണ്ടത്‌ ജില്ലാ-ഉപജില്ലാ വിദ്യാഭ്യാസ ഓഫീസര്‍മാരുടെ ബാധ്യതയാണ്‌. വിദ്യാഭ്യാസ ഓഫീസര്‍മാര്‍ സ്‌കൂള്‍ പരിശോധനാ കാര്യത്തില്‍ ഉത്തരവാദിത്തം നിറവേറ്റണമെന്നും തദ്ദേശ സ്‌ഥാപനങ്ങളും ഇക്കാര്യത്തില്‍ ജാഗ്രത പുലര്‍ത്തണമെന്നും അദ്ദേഹം പറഞ്ഞു. 

അടുത്ത കാലത്ത്‌ സര്‍ക്കാര്‍ സ്‌കൂളുകളുടെ വിദ്യാഭ്യാസ- ഭൗതിക നിലവാരം ഉന്നത നിലവാരത്തിലെത്തുകയും സര്‍ക്കാര്‍ സ്‌കൂളുകളില്‍ കൊഴിഞ്ഞുപോക്കിനു പകരം വിദ്യാര്‍ഥികളുടെ തിരിച്ചുവരവ്‌ ആരംഭിച്ചതായും മന്ത്രി പറഞ്ഞു.

സര്‍വശിക്ഷാ അഭിയാന്‍റെ ആഭിമുഖ്യത്തില്‍ ജനപ്രതിനിധികള്‍ക്കുള്ള വിദ്യാഭ്യാസ ശില്‍പശാലയുടെ സംസ്‌ഥാനതല ശില്‍പശാല മലപ്പുറം ജില്ലാ പഞ്ചായത്ത്‌ ഹാളില്‍ ഉദ്‌ഘാടനം  നിര്‍വഹിച്ചു  സംസാരിക്കുകയായിരുന്നു മന്ത്രി. 








Share this News Now:
  • Google+
Like(s): 308