23 November, 2021 04:34:57 PM
നാട്ടുകാരെ ഞെട്ടിച്ച് പത്താം ക്ലാസ്സ്‌ വിദ്യാർഥിനിയും യുവാവും സെമിത്തേരിയിൽ
കോട്ടയം: പ്രായപൂർത്തിയാകാത്ത പെണ്‍കുട്ടിയെയും യുവാവിനെയും സെമിത്തേരിയിൽ സംശയാസ്പദമായ സാഹചര്യത്തിൽ കണ്ടെത്തി. ഇന്നു രാവിലെ 7.30ന് കോട്ടയത്തിന് സമീപത്തെ പാമ്പാടി പ്രദേശത്തുള്ള പള്ളിയുടെ സെമിത്തേരിയിലാണ് സ്കൂൾ യൂണിഫോമണിഞ്ഞ് പെണ്‍കുട്ടിയേയും യുവാവിനെയും കണ്ടെത്തിയത്. എപ്പോഴാണ് ഇവർ സെമിത്തേരയിൽ എത്തിയതെന്ന് വ്യക്തമല്ല.
ഏറെ നേരമായി ഇരുവരും സെമിത്തേരിയിൽ ചെലവഴിക്കുന്നതു ശ്രദ്ധയിൽപ്പെട്ട പ്രദേശവാസികൾ പള്ളി അധികൃതരെ വിവരമറിയിക്കുകയായിരുന്നു. ഇതോടെ നാട്ടുകാർ സംഘടിച്ചെത്തി ഇവരോട് വിവരങ്ങൾ ചോദിച്ചു. ഇതോടെയാണ് യൂണിഫോമണിഞ്ഞ പെണ്‍കുട്ടി പാന്പാടിക്ക് സമീപ പ്രദേശത്തുള്ള സ്കൂളിലെ 10-ാം ക്ലാസ് വിദ്യാർഥിയാണെന്ന് മനസിലായത്. നാട്ടുകാർ ഇടപെട്ട് ഇരുവരെയും സെമിത്തേരിയിൽ നിന്നും പറഞ്ഞുവിടുകയായിരുന്നു.
