22 November, 2021 08:30:39 AM


ഭർത്താവിനെ ജീവനോടെ കുഴിച്ചിട്ട് ഭാര്യ?; അമരത്വം ലഭിക്കാനെന്ന് മൊഴി

 

ചെന്നൈ: ഭര്‍ത്താവിന് അമരത്വം ലഭിക്കാന്‍ വേണ്ടി ജീവനോടെ കുഴിച്ചിട്ടെന്ന് സംശയം. ചെന്നൈ പെരുമ്പാക്കത്തു കഴിഞ്ഞ ദിവസമാണ് സംഭവം നടന്നത്. കലൈഞ്ജര്‍ കരുണാനിധി നഗറില്‍ താമസിക്കുന്ന നാഗരാജാണ് (59) മരിച്ചത്. സംഭവത്തില്‍ ഇയാളുടെ ഭാര്യ ലക്ഷ്മിയെ (55) പൊലീസ് ചോദ്യംചെയ്തുവരികയാണ്.
ദൈവത്തിനോട് സംസാരിക്കാനാകുമെന്ന് സ്വയം അവകാശപ്പെട്ടിരുന്ന നാഗരാജ് വീടിനു പിന്നില്‍ ക്ഷേത്രം നിര്‍മിച്ച്‌ പൂജകള്‍ നടത്തിയിരുന്നു.

കഴിഞ്ഞ ദിവസം നെഞ്ചുവേദന വന്നപ്പോള്‍ താന്‍ മരിക്കാന്‍ പോവുകയാണെന്ന് ഭാര്യയോട് പറഞ്ഞു. അമരത്വം നേടാന്‍ തന്നെ ജീവനോടെ അടക്കംചെയ്യണമെന്നും ഈ വിവരം ആരെയും അറിയിക്കരുതെന്നും നാഗരാജ് ഭാര്യയോട് പറഞ്ഞു. ഇതുവിശ്വസിച്ച ലക്ഷ്മി ജലസംഭരണിക്കാണെന്ന പേരില്‍ വീടിനുപിന്നില്‍ തൊഴിലാളികളെവെച്ച്‌ കുഴിയെടുത്തു. തുടര്‍ന്ന് നാഗരാജിനെ കുഴിയിലിറക്കി മണ്ണിട്ട് മൂടുകയായിരുന്നുവെന്നാണ് സംശയിക്കുന്നത്. മൃതദേഹം പോസ്റ്റ്‌മോര്‍ട്ടത്തിനു അയച്ചു. പോസ്റ്റുമോര്‍ട്ടം റിപ്പോര്‍ട്ട് വന്നതിനു ശേഷമേ ജീവനോടെയാണോ അടക്കം ചെയ്തതെന്ന് അറിയാനാകൂവെന്ന് പൊലീസ് പറഞ്ഞു.


Share this News Now:
  • Mail
  • Whatsapp whatsapp
Like(s): 5.9K