02 November, 2021 02:31:18 PM


പെ​ൺ​കു​ട്ടി​യെ പൂ​ട്ടി​യി​ട്ടു! ര​ണ്ടു വ​നി​ത ഡോ​ക്ട​ര്‍​മാ​ര്‍​ക്കെ​തി​രേ കേ​സ്



കൊ​ച്ചി: മോ​ന്‍​സ​ന്‍ മാ​വു​ങ്ക​ലി​നെ​തി​രാ​യ പോ​ക്‌​സോ കേ​സി​ല്‍ പീ​ഡ​ന​ത്തി​ന് ഇ​ര​യാ​യ പെ​ണ്‍​കു​ട്ടി​യെ പൂ​ട്ടി​യി​ട്ടെ​ന്ന പ​രാ​തി​യി​ൽ ര​ണ്ടു വ​നി​ത ഡോ​ക്ട​ര്‍​മാ​ര്‍​ക്കെ​തി​രേ ക്രൈം​ബ്രാ​ഞ്ച് കേ​സെ​ടു​ത്തു. എ​റ​ണാ​കു​ളം ക​ള​മ​ശേ​രി മെ​ഡി​ക്ക​ല്‍ കോ​ള​ജി​ലെ ര​ണ്ടു ഡോ​ക്ട​ര്‍​മാ​ര്‍​ക്കെ​തി​രേ​യാ​ണ് കേ​സ് എ​ടു​ത്തി​രി​ക്കു​ന്ന​ത്. അന്വേ​ഷ​ണ സം​ഘം ഇന്നു ഡോ​ക്ട​ര്‍​മാ​രു​ടെ മൊ​ഴി രേ​ഖ​പ്പെ​ടു​ത്തു​മെ​ന്നാ​ണ് സൂ​ച​ന. വൈ​ദ്യ പ​രി​ശോ​ധ​ന​യ്ക്കാ​യി കൊ​ണ്ടു​വ​ന്ന​പ്പോ​ള്‍ മു​റി​യി​ല്‍ പൂ​ട്ടി​യി​ട്ടു ഭീ​ഷ​ണി​പ്പെ​ടു​ത്തി​യെ​ന്നാ​ണ് പെ​ണ്‍​കു​ട്ടി​യു​ടെ പ​രാ​തി.

പോ​ക്സോ കേ​സി​ൽ കഴിഞ്ഞ മാസം 27ന് വൈ​ദ്യ​പ​രി​ശോ​ധ​ന​ക്ക് എ​ത്തി​യ​താ​യി​രു​ന്നു പെ​ണ്‍​കു​ട്ടി. ആ​ദ്യം ആ​ലു​വ താ​ലൂ​ക്ക് ആ​ശു​പ​ത്രി​യി​ലാ​ണ് പോ​ലീ​സ് പെൺകുട്ടിയെ പ​രി​ശോ​ധ​ന​യ്ക്കാ​യി എ​ത്തി​ച്ച​ത്. പ​ക്ഷേ, ഇ​വി​ടെ ഗൈ​ന​ക്കോ​ള​ജി​സ്റ്റ് ഇ​ല്ലാ​ത്ത​തി​നാ​ല്‍ ക​ള​മ​ശേ​രി മെ​ഡി​ക്ക​ല്‍ കോ​ള​ജി​ലേ​ക്കു കൊ​ണ്ടു​പോ​വു​ക​യാ​യി​രു​ന്നു. ഉ​ച്ച​യ്ക്ക് 12.45ഓടെ ക​ള​മ​ശേ​രി​യി​ല്‍ എ​ത്തി. ഒ​ന്നി​ന് ആ​ന്‍റി​ജ​ന്‍ പ​രി​ശോ​ധ​ന ന​ട​ത്തി. തു​ട​ര്‍​ന്നു ഗൈ​ന​ക്ക് ഒ​പി​യി​ലെ​ത്താ​ന്‍ നി​ര്‍​ദേ​ശി​ച്ചു.

എ​ന്നാ​ല്‍ 2.15 വ​രെ ഒ​രു പ​രി​ശോ​ധ​ന​യും ന​ട​ത്താ​തെ ആ​ശു​പ​ത്രി​യി​ല്‍ നി​ര്‍​ത്തി​പ്പി​ച്ചു. മൂ​ന്നി​നു മ​ജി​സ്‌​ട്രേ​റ്റ് കോ​ട​തി​യി​ല്‍ ര​ഹ​സ്യ​മൊ​ഴി ന​ല്‍​കാ​ന്‍ എ​ത്തേ​ണ്ട​താ​ണെന്നു കൂ​ടെ​യു​ണ്ടാ​യി​രു​ന്ന പോ​ലീ​സു​കാ​രും പെ​ണ്‍​കു​ട്ടി​യു​ടെ ബ​ന്ധു​വും ഡോ​ക്ട​ര്‍​മാ​രെ അ​റി​യി​ച്ചി​രു​ന്നു.

പി​ന്നീ​ട് ര​ണ്ട് ഡോ​ക്ട​ര്‍​മാ​രു​ള്ള മു​റി​യി​ലേ​ക്കു വി​ളി​പ്പി​ച്ചു പൂ​ട്ടി​യി​ടു​ക​യും മാ​ന​സി​ക​മാ​യി പീ​ഡി​പ്പി​ക്കു​ക​യും ഭീ​ഷ​ണി​പ്പെ​ടു​ത്തു​ക​യും ചെ​യ്തു​വെ​ന്നാ​ണ് പെ​ണ്‍​കു​ട്ടി​യു​ടെ ആരോപണം. എ​റ​ണാ​കു​ളം നോ​ര്‍​ത്ത് വ​നി​ത സ്റ്റേ​ഷ​നി​ലാ​ണ് പെ​ണ്‍​കു​ട്ടി ഇ​തു​ സം​ബ​ന്ധി​ച്ച് പ​രാ​തി ന​ല്‍​കി​യി​രി​ക്കു​ന്ന​ത്. അ​തേ​സ​മ​യം മോ​ന്‍​സ​ന്‍ ചോ​ദ്യം ചെ​യ്യ​ലു​മാ​യി സ​ഹ​ക​രി​ക്കു​ന്നി​ല്ലെ​ന്നാ​ണ് അ​റി​യാ​ന്‍ ക​ഴി​യു​ന്ന​ത്.


Share this News Now:
  • Google+
Like(s): 5.7K