25 October, 2021 01:38:57 PM


ലൈംഗികതൊഴിലിനു വിസമ്മതിച്ച 17കാരിയെ കൊന്നു; സഹോദരിമാർ ഉൾപ്പെടെ 5 പേർ അറസ്റ്റിൽ



റാഞ്ചി: ഏഴു മാസം മുമ്പ് കാണാതായ പതിനേഴുകാരിയുടെ മൃതദേഹം ഝാർഖണ്ഡിലെ സോനാര്‍ അണക്കെട്ടിന്​ സമീപത്തുനിന്ന്​ മജിസ്​ട്രേറ്റി​ന്റെ സാന്നിധ്യത്തില്‍ പുറത്തെടുത്തു. സംഭവത്തിൽ സഹോദരിമാരായ രാഖി ദേവി(30), രൂപ ദേവി(25), സഹോദരിയുടെ ഭര്‍ത്താവ്​ ധനജ്ഞയ്​ അഗര്‍വാള്‍(30), സ​ഹോദരിയുടെ കാമുകന്‍മാരായ പ്രതാപ്​ കുമാര്‍ സിങ്​, നിതീഷ്​ എന്നിവർക്കെതിരെ പോലീസ് ​ കേസെടുത്തു​.

നിതീഷിനെ ഒഴികെ മറ്റെല്ലാ പ്രതികളെയും അറസ്​റ്റ്​ ചെയ്​തതായി പൊലീസ്​ പറഞ്ഞു. രാജേന്ദ്ര ഇന്‍സ്​റ്റിറ്റ്യൂട്ട്​ ഓഫ്​ മെഡിക്കല്‍ സയന്‍സസിൽ നടത്തിയ പോസ്​റ്റ്​മോര്‍ട്ടം റിപ്പോര്‍ട്ടില്‍ തല​ക്കേറ്റ മുറിവാണ്​ മരണകാരണമെന്ന്​ പറയുന്നു. എന്നാല്‍17കാരി വിഷം കഴിച്ച്‌​ ആത്മഹത്യ ചെയ്യുകയായിരുന്നുവെന്നാണ്​ സഹോദരിമാരുടെ വാദം. അഞ്ചു സഹോദരിമാരില്‍ നാലാമത്തെയാളാണ്​ മരിച്ച പെണ്‍കുട്ടി. ഇവരുടെ മാതാപിതാക്കള്‍ നേരത്തേ മരിച്ചിരുന്നു. മൂത്ത സഹോദരി രാഖിക്കൊപ്പം സുഡ്​നയിലായിരുന്നു പെണ്‍കുട്ടിയുടെ താമസം.

ലൈംഗിക തൊഴിലാളിയാണ്​ രാഖി. പെണ്‍കുട്ടിയെ നിര്‍ബന്ധിച്ച്‌​ ലൈംഗിക തൊഴില്‍ ചെയ്യാന്‍ നിര്‍ബന്ധിച്ചതാണ്​ കൊലക്ക്​ കാരണമെന്ന്​ പൊലീസ്​ പറയുന്നു. 'രാഖിയും ധനജ്ഞയും പെണ്‍കുട്ടിയെ ലൈംഗിക തൊഴിലിന്​ നിര്‍ബന്ധിച്ചിരുന്നു. സമ്മതമില്ലാതെ പെണ്‍കുട്ടിയുടെ അടുത്തേക്ക്​ നിരവധിപേരെ അയക്കുകയും ചെയ്​തു. എങ്കിലും പെണ്‍കുട്ടി വഴങ്ങിയിരുന്നില്ല. പെണ്‍കുട്ടിക്ക്​ ഒരാളുമായി അടുപ്പമുണ്ടായിരുന്നു. അയാളെ വിവാഹം കഴിക്കണമെന്ന്​ ആവശ്യപ്പെട്ടതോടെ രാഖി എതിര്‍പ്പ്​ അറിയിക്കുകയും ചെയ്​തിരുന്നു. അതിനിടെ രാഖിയുടെ കാമുകന്‍മാരായ പ്രതാപും നിതീഷും പെണ്‍കുട്ടിയില്‍ താല്‍പര്യം പ്രകടിപ്പിക്കുകയും ചെയ്​തു' -പൊലീസ്​ പറഞ്ഞു.

രണ്ടു കാമുകന്‍മാരും രാഖിയുടെ വീട്​ സന്ദര്‍ശിക്കുകയും പെണ്‍കുട്ടിയെ ഉപദ്രവിക്കുകയും ചെയ്​തിരുന്നു. രാഖിയുടെ സഹായത്തോടെയാണ്​ ഇവര്‍ പെണ്‍കുട്ടിയെ ഉപദ്രവിച്ചിരുന്നതെന്നും പൊലീസ്​ പറഞ്ഞു. കൊലപാതകത്തിന്​ രണ്ടുദിവസം മുമ്ബ്​ പ്രതാപ്​ രാഖിയുടെ വീട്ടിലെത്തിയിരുന്നു. മുന്‍കൂട്ടി നിശ്ചയിച്ചപ്പോലെ പ്രതാപ്​ രാഖി വീട്ടിലില്ലാതിരുന്ന സമയത്ത്​ പ്രതാപ്​ പെണ്‍കുട്ടിയെ ബലാത്സംഗം ചെയ്​തു. ഇതിനിടെ 17കാരിയെ കൊലപ്പെടുത്തുകയും കെട്ടിത്തൂക്കുകയുമായിരുന്നു.

കൊല​പാതകത്തിന്​ ശേഷം രാഖി രൂപയെയും ധനജ്ഞയ്​യെയും ​വിളിച്ചുവരുത്തി. പിന്നീട്​ പെണ്‍കുട്ടിയുടെ മൃതദേഹം ധനജ്ഞയ്​യുടെ ഓ​ട്ടോറിക്ഷയില്‍ കയറ്റി അഞ്ചുപേരുംചേര്‍ന്ന്​ അണക്കെട്ടിന്​ സമീപം ഉപേക്ഷിക്കുകയായിരുന്നു. പെണ്‍കുട്ടിയുടെ വസ്​ത്രങ്ങള്‍ മാറ്റുകയും ​മറ്റു തെളിവുകള്‍ നശിപ്പിക്കുകയും ചെയ്​തിരുന്നു.


Share this News Now:
  • Google+
Like(s): 5.7K