08 October, 2021 03:39:40 PM
സാമ്പത്തിക തട്ടിപ്പ്; മോൻസൺ മാവുങ്കലിന്‍റെ ജാമ്യാപേക്ഷ തള്ളി
കൊച്ചി: മോന്സണ് മാവുങ്കലിന്‍റെ ജാമ്യാപേക്ഷ കോടതി തള്ളി. എറണാകുളം സിജെഎം കോടതിയാണ് ജാമ്യാപേക്ഷ തള്ളിയത്. 10 കോടിയുടെ സാമ്പത്തിക തട്ടിപ്പ് കേസിലും 1.72 കോടി രൂപ തട്ടിയെന്ന കേസിലുമാണ് മോന്സണ് ജാമ്യാപേക്ഷ നല്‍കിയത്. അനൂപ്, ഷമീര്‍ എന്നിവരില്‍ നിന്നാണ് ഇയാള്‍ 10 കോടി രൂപ തട്ടിയത്.
വയനാട്ടിലെ ബീനാച്ചി എസ്റ്റേറ്റ് പാട്ടത്തിന് നല്‍കാമെന്ന് പറഞ്ഞാണ് പാലാ സ്വദേശി രാജീവനില്‍ നിന്നും 1.72 കോടി രൂപ ഇയാള്‍ തട്ടിയെടുത്തത്. മോന്സണ് ഉന്നത ബന്ധങ്ങളുണ്ടെന്നും ജാമ്യം ലഭിച്ചാല്‍ കേസ് അട്ടിമറിക്കാനും തെളിവുകള്‍ നശിപ്പിക്കാനും സാധ്യതയുണ്ടെന്ന് പ്രോസിക്യൂഷന് ചൂണ്ടിക്കാട്ടി.
