30 June, 2021 06:52:01 AM
ചുവപ്പുകാർഡ് തിരിച്ചടിയായി: സ്വീഡനെ തകര്‍ത്ത് യുക്രെയിൻ യൂറോ കപ്പിന്‍റെ ക്വാര്‍ട്ടറില്‍
ഗ്ലാസ്‌ഗോ: സ്വീഡനെ തകര്‍ത്ത് യുക്രെയിൻ യൂറോ കപ്പിന്‍റെ ക്വാര്‍ട്ടറില്‍. അധികസമയത്തേക്ക് നീണ്ട മത്സരത്തിൽ ഒന്നിനെതിരെ രണ്ട് ഗോളിനാണ് സ്വീഡനെ യുക്രെയിൻ തോല്‍പ്പിച്ചത്. 120 1–ാം മിനിറ്റിൽ ആർടെം ഡോബിക്കാണു യുക്രെയിന്‍റെ വിജയഗോൾ നേടിയത്. ഇംഗ്ലണ്ടാണ് ക്വാര്‍ട്ടറില്‍ യുക്രെയിന്‍റെ എതിരാളി.
99-ാം മിനിറ്റില്‍ ഡിഫന്‍ഡര്‍ മാര്‍ക്കസ് ഡാനിയെല്‍സന്‍ ചുവപ്പുകാര്‍ഡ് കണ്ട് പുറത്ത് പോയത് സ്വീഡന് തിരിച്ചടിയായി. യുക്രെയിൻ താരം ബെസെഡിനെതിരായ കടുത്ത ഫൗളിനായിരുന്നു ചുവപ്പുകാര്‍ഡ്. ഇതോടെ മത്സരം യുക്രെയിന്‍റെ വരുതിയിലായി. ഇഞ്ചുറി സമയത്ത് യുക്രെയിൻ ഗോള്‍ നേടുകയും ചെയ്തു.
