09 June, 2021 01:52:41 PM
നയതന്ത്ര കള്ളക്കടത്ത്: ഫൈസല്‍ ഫരീദിന്‍റെ അടുത്ത കൂട്ടാളി കൊച്ചിയില്‍ അറസ്റ്റില്‍
കൊച്ചി: നയതന്ത്ര കള്ളക്കടത്ത് കേസില്‍ ദുബൈ റാക്കറ്റിലെ സുപ്രധാന കണ്ണി കൊച്ചിയില്‍ പിടിയില്‍. തിരുവമ്പാടി സ്വദേശി മുഹമ്മദ് മന്‍സൂറാണ് പിടിയിലായത്. ദുബെയില്‍ നിന്ന് എത്തിയ മന്‍സൂറിനെ ഭീകരബന്ധം അന്വേഷിക്കുന്ന എന്‍ഐഎ സംഘമാണ് നെടുമ്പാശ്ശേരിയില്‍ വെച്ച്‌ അറസ്റ്റ് ചെയ്തത്. കേസിലെ പ്രധാന പ്രതികളില്‍ ഒരാളായ ഫൈസല്‍ ഫരീദിന്‍റെ അടുത്ത കൂട്ടാളിയാണ് ഇയാള്‍. സ്വര്‍ണം നയതന്ത്ര ബാഗില്‍ ഒളിപ്പിക്കുന്നത് മന്‍സൂറിന്‍റെ നേതൃത്വത്തിലായിരുന്നുവെന്നാണ് അന്വേഷണ സംഘം പറയുന്നത്.
