10 March, 2021 06:50:12 PM


'അണികളില്ലെങ്കില്‍ നേതാക്കളില്ല': കു‌റ്റ്യാടിയില്‍ സിപിഎം പ്രവര്‍ത്തകരുടെ പ്രതിഷേധ മാര്‍ച്ച്‌



കുറ്റ്യാടി: കേരളാ കോണ്‍ഗ്രസിന് സീ‌റ്റ് നല്‍കിയതില്‍ പ്രതിഷേധിച്ച്‌ കു‌റ്റ്യാടിയില്‍ പാര്‍ട്ടി പ്രവര്‍ത്തകരുടെ ശക്തമായ പ്രതിഷേധ മാര്‍‌ച്ച്‌. സിപിഎമ്മിന്‍റെ ബാനറില്‍ പാര്‍ട്ടി കൊടികളുമേന്തി പ്രതിഷേധിച്ച അണികള്‍ പ്രാദേശിക വികാരം ദേശീയ നേതൃത്വത്തെയും സംസ്ഥാന നേതൃത്വത്തെയും ബോദ്ധ്യപ്പെടുത്തുന്നതില്‍ ജില്ലാ നേതൃത്വം പരാജയപ്പെട്ടതായി ആരോപിച്ചു.


കഴിഞ്ഞദിവസവും മുന്നണി തീരുമാനത്തിനെതിരായും കെ.പി കുഞ്ഞഹമ്മദ് കുട്ടിയെ സ്ഥാനാര്‍ത്ഥിയാക്കണമെന്നും ആവശ്യപ്പെട്ട് ഇരുനൂറോളം പേര്‍ പ്രകടനം നടത്തിയിരുന്നു. എന്നാല്‍ നിരവധി പേരാണ് ഇന്നത്തെ പ്രകടനത്തില്‍ പങ്കെടുത്തത്. സിപിഎം കേന്ദ്രനേതൃത്വത്തിന് പരാതി നല്‍കിയിട്ടും പരിഗണിക്കാതെയിരുന്നതാണ് വലിയ പ്രതിഷേധത്തിന് കാരണമായത്. 


ചെങ്കൊടിയുടെ മാനം കാക്കാനാണ് ഈ പ്രതികരണമെന്ന് പ്രകടനത്തില്‍ പങ്കെടുത്തവര്‍ അറിയിച്ചു. ബ്രാഞ്ച് സെക്രട്ടറിമാരടക്കം ഇന്നത്തെ പ്രകടനത്തില്‍ പങ്കെടുത്തു. എന്നാല്‍ വിമത സ്ഥാനാര്‍ത്ഥികളെ നിര്‍ത്തില്ലെന്നും പ്രതിഷേധക്കാര്‍ പറഞ്ഞു. കുന്നുമ്മല്‍ ഏരിയാ കമ്മി‌റ്റിയ്‌ക്ക് കീഴിലുള‌ള പ്രവര്‍ത്തകരാണ് ഇന്ന് ശക്തമായി പ്രതിഷേധിച്ചത്. പാര്‍ട്ടി പ്രതിഷേധത്തെ തുടര്‍ന്ന് പ്രശ്‌നത്തില്‍ സമവായ ചര്‍ച്ചയ്‌ക്കൊരുങ്ങുകയാണ് പാര്‍ട്ടി എന്നാണ് വിവരം.



Share this News Now:
  • Mail
  • Whatsapp whatsapp
Like(s): 5.5K