09 March, 2021 06:22:15 AM


വൈത്തിരിയിൽ വർക്ക്ഷോപ്പിൽ അഗ്നിബാധ: മൂന്നു​ വാഹനങ്ങൾ കത്തിനശിച്ചു



കല്പറ്റ: വൈത്തിരി പന്ത്രണ്ടാം പാലത്തിനടുത്തുള്ള വാഹന വർക്ഷോ​പ്പിലുണ്ടായ തീപിടിത്തത്തിൽ രണ്ട്​ വാഹനങ്ങൾ പൂർണ്ണമായും ഒരെണ്ണം ഭാഗികമായും കത്തിനശിച്ചു. മേപ്പാടി സ്വദേശിയുടെ സ്‌കോർപ്പിയോ കാർ നന്നാക്കുന്നതിനിടെയാണ് തീ പടർന്നത്.


ഈ സമയം വാഹാനത്തിനടിയിലും ജീവനക്കാരുണ്ടായിരുന്നു. ഇവർ തീ കെടുത്താൻ ശ്രമിച്ചെങ്കിലും സാധിച്ചില്ല. തീ തൊട്ടടുത്ത് നിർത്തിയിട്ട ജീവനക്കാരന്‍റെ സ്‌കൂട്ടറിലേക്ക്​ പടർന്നു. സ്​കൂട്ടർ പൂർണമായും കത്തി. അതിന്​ സമീപം നിർത്തിയിട്ട ആൾട്ടോ കാറാണ് ഭാഗികമായി കത്തിനശിച്ചത്. ഈങ്ങാപ്പുഴ സ്വദേശിയുടേതാണ് ഈ കാർ.

car fire


വർക്​​ഷോപ്പിലെ ഉപകരണങ്ങളും കത്തിനശിച്ചവയിൽപെടും. സ്​റ്റേഷൻ ഓഫിസർ ടി.പി. ജോമി, ലീഡിങ് ഫയർ ഓഫിസർ രാമചന്ദ്രൻ എന്നിവരുടെ നേതൃത്വത്തിൽ കൽപറ്റയിൽ നിന്നുള്ള അഗ്നിശമന സേന എത്തിയാണ് തീയണച്ചത്. എസ്.ഐ ഇൻ ചാർജ്​ കെ. ദേവിയുടെ നേതൃത്വത്തിൽ വൈത്തിരി പൊലീസും സ്ഥലത്തെത്തി. വൈത്തിരി സ്വദേശി സാജു വർഗീസി​േന്‍റതാണ് വർക്ഷോ​പ്പ്​​.



Share this News Now:
  • Google+
Like(s): 3.7K