11 February, 2021 07:32:53 PM


ഒമാനില്‍ ഇന്‍സ്​റ്റിറ്റ്യൂഷനല്‍ ക്വാറ​ന്‍റൈന്‍ നിയമം തിങ്കളാഴ്​ച മുതല്‍ പ്രാബല്ല്യത്തില്‍



മസ്​കത്ത്​: ഒമാനിലേക്ക്​ വരുന്നവര്‍ക്ക്​ ഏഴ്​ ദിവസത്തെ നിര്‍ബന്ധിത ഹോട്ടല്‍ ക്വാറ​ൈന്‍റന്‍ വേണമെന്ന സുപ്രീം കമ്മിറ്റി നിര്‍ദേശം തിങ്കളാഴ്​ച പുലര്‍ച്ചെ മുതല്‍ നടപ്പിലാകും. സിവില്‍ ഏവിയേഷന്‍ പൊതുഅതോറിറ്റി വ്യാഴാഴ്​ച വൈകുന്നേരം പുറത്തുവിട്ട സര്‍ക്കുലറിലാണ്​ ഇക്കാര്യം അറിയിച്ചത്​. സ്വദേശികള്‍ക്കും തൊഴില്‍, സന്ദര്‍ശക വിസയിലുള്ള വിദേശികള്‍ക്കും ഇൗ നിയമം ബാധകമാണ്​.


ഏഴ്​ രാത്രിയിലേക്കാണ്​ ഹോട്ടല്‍ ബുക്കിങ്​ നടത്തേണ്ടത്​. യാത്ര പുറപ്പെടുന്നതിന്​ മുമ്ബ്​ ബുക്കിങ്​ ഉറപ്പാക്കണം. ഹോട്ടല്‍ ബുക്കിങ്​ ഉറപ്പുവരുത്തിയ ശേഷമാണ്​ ബോര്‍ഡിങ്​ അനുവദിക്കാന്‍ പാടുള്ളൂവെന്ന്​ സിവില്‍ ഏവിയേഷന്‍ അതോറിറ്റി വിമാന കമ്ബനികള്‍ക്ക്​ നിര്‍ദേശം നല്‍കി. യാത്രക്കാര്‍ക്ക്​ ഏത്​ ഹോട്ടലുകളിലും മുറി ബുക്ക്​ ചെയ്യാവുന്നതാണ്​. ഹോട്ടലുകളിലെ നിര്‍ബന്ധിത ക്വാറ​ൈന്‍റന്‍ നിലവില്‍ വരുന്നതോടെ ഒമാനിലേക്കുള്ള യാത്രക്ക്​ ചെല​വേറും. ഒരാഴ്​ചത്തേക്ക്​ താമസവും ഭക്ഷണവുമടക്കം നൂറ്​ റിയാലില്‍ അധികം ചെലവ്​ വരും.


പി.സി.ആര്‍ പരിശോധനകള്‍ക്കും മറ്റുമുള്ള ചെലവ്​ ഇതിന്​ പുറമെയാണ്​. ഇതുവരെ താമസ സ്​ഥലങ്ങളിലും ക്വാറന്‍റൈന്‍ അനുവദിച്ചിരുന്നു. എന്നാല്‍ സ്വദേശികളും വിദേശികളും നിബന്ധനകള്‍ പാലിക്കുന്നില്ലെന്ന്​ കണ്ടെത്തിയതിനെ തുടര്‍ന്നാണ്​ പുതിയ തീരുമാനം. ഇതിന്​ പുറമെ സുപ്രീം കമ്മിറ്റി നിര്‍ദേശ പ്രകാരം ഹോട്ടലുകളും പാര്‍ക്കുകളും ഇന്ന്​ മുതല്‍ രണ്ടാഴ്​ചത്തേക്ക്​ അടച്ചു. ഒരു തരത്തിലുള്ള ഒത്തുചേരലുകളും പാടില്ലെന്ന്​ അധികൃതര്‍ അറിയിച്ചിട്ടുണ്ട്​.


സര്‍ക്കാര്‍-സ്വകാര്യ സ്​ഥാപനങ്ങളുടെ സേവന ഹാളുകള്‍, വാണിജ്യ കേന്ദ്രങ്ങള്‍, കടകള്‍, മാര്‍ക്കറ്റുകള്‍, റസ്​റ്റോറന്‍റുകള്‍, കഫേകള്‍, ഹുക്ക കഫേകള്‍, ജിംനേഷ്യം എന്നിവയില്‍ അമ്ബത്​ ശതമാനം ആളുകളെ മാത്രമാണ്​ പ്രവേശിപ്പിക്കാന്‍ പാടുള്ളൂ. ഇൗ തീരുമാനം ഫെബ്രുവരി 12 വെള്ളിയാഴ്​ച മുതല്‍ ഇനിയൊരു അറിയിപ്പ്​ ഉണ്ടാകുന്നത്​ വരെ പ്രാബല്ല്യത്തില്‍ ഉണ്ടായിരിക്കും. കര അതിര്‍ത്തികള്‍ വഴി ട്രക്കുകള്‍ക്ക്​ മാത്രമായിരിക്കും കടന്നുപോകാന്‍ അനുമതിയുണ്ടാവുക.

വടക്കന്‍ ശര്‍ഖിയ ഗവര്‍ണറേറ്റില്‍ നാളെ മുതല്‍ രണ്ടാഴ്​ച കാല​േത്തക്ക്​ വാണിജ്യ സ്​ഥാപനങ്ങള്‍ രാത്രി സമയം അടച്ചിടണം. രാത്രി ഏഴുമുതല്‍ പുലര്‍ച്ചെ ആറുമണി വരെയാണ്​ അടച്ചിടേണ്ടത്​.



Share this News Now:
  • Mail
  • Whatsapp whatsapp
Like(s): 5.4K