15 January, 2021 03:27:20 PM


എ​ല്ലാ വീ​ട്ടി​ലും ഒ​രു ലാ​പ്ടോ​പ്; ലൈ​ഫ് മി​ഷ​നി​ൽ ഒ​ന്ന​ര ല​ക്ഷം വീ​ടു​ക​ൾ കൂ​ടി



തി​രു​വ​ന​ന്ത​പു​രം: സം​സ്ഥാ​ന സ​ർ​ക്കാ​രി​ന്‍റെ സ്വ​പ്ന പ​ദ്ധ​തി​യാ​യ ലൈ​ഫ് മി​ഷ​നി​ൽ അ​ടു​ത്ത സാ​ന്പ​ത്തി​ക വ​ർ​ഷം ഒ​ന്ന​ര ല​ക്ഷം വീ​ടു​ക​ൾ കൂ​ടി നി​ർ​മി​ക്കു​മെ​ന്ന് ധ​ന​മ​ന്ത്രി തോ​മ​സ് ഐ​സ​ക്. ഇ​തി​നാ​യി 1000 കോ​ടി രൂ​പ നീ​ക്കി​വ​ച്ച​താ​യി ബ​ജ​റ്റ് പ്ര​സം​ഗ​ത്തി​ൽ തോ​മ​സ് ഐ​സ​ക് പ​റ​ഞ്ഞു.​


സംസ്ഥാ​ന​ത്തെ പ്രാ​ഥ​മി​കാ​രോ​ഗ്യ​കേ​ന്ദ്ര​ങ്ങ​ളി​ൽ ഉ​ച്ച​യ്ക്കു ​ശേ​ഷ​വും ഒ​പി സം​വി​ധാ​നം ന​ട​പ്പാ​ക്കും, റോ​ഡ​പ​ക​ട​ങ്ങ​ളി​ൽ ആ​ദ്യ 48 മ​ണി​ക്കൂ​റി​ൽ സൗ​ജ​ന്യ ചി​കി​ത്സ ല​ഭ്യ​മാ​ക്കു​മെ​ന്നും ബ​ജ​റ്റി​ൽ പ്ര​ഖ്യാ​പി​ച്ചു.


സം​സ്ഥാ​ന​ത്തെ നീ​ല, വെ​ള്ള റേ​ഷ​ൻ കാ​ർ​ഡ് ഉ​ട​മ​ക​ൾ​ക്ക് അ​ധി​ക അ​രി ന​ൽ​കു​മെ​ന്ന് സ​ർ​ക്കാ​ർ പ്ര​ഖ്യാ​പി​ച്ചു. കി​ലോ​യ്ക്ക് 15 രൂ​പ നി​ര​ക്കി​ൽ 10 കി​ലോ അ​രി വീ​ത​മാ​കും പ്ര​തി​മാ​സം ന​ൽ​കു​ക. ഇ​തി​ന് പു​റ​മേ സൗ​ജ​ന്യ ഭ​ക്ഷ്യ​ക്കി​റ്റ് വി​ത​ര​ണം തു​ട​രു​മെ​ന്നും മ​ന്ത്രി ബ​ജ​റ്റി​ൽ പ്ര​ഖ്യാ​പി​ച്ചു.


എ​ല്ലാ വീ​ട്ടി​ലും ഒ​രു ലാ​പ്ടോ​പ് എ​ങ്കി​ലും എ​ന്ന​താ​ണ് സ​ർ​ക്കാ​ർ ന​യ​മെ​ന്ന് ധ​മ​ന്ത്രി തോ​മ​സ് ഐ​സ​ക് ബ​ജ​റ്റി​ൽ പ്ര​ഖ്യാ​പി​ച്ചു. ദു​ർ​ബ​ല വി​ഭാ​ഗ​ങ്ങ​ൾ​ക്ക് പ​കു​തി വി​ല​യ്ക്കും ബി​പി​എ​ൽ കു​ടും​ബ​ങ്ങ​ൾ​ക്ക് 25 ശ​ത​മാ​നം സ​ബ്സി​ഡി ന​ൽ​കി​യും ലാ​പ്ടോ​പു​ക​ൾ ന​ൽ​കും.


എ​ല്ലാ വീ​ട്ടി​ലും ഇ​ന്‍റ​ർ​നെ​റ്റ് എ​ത്തി​ക്കു​ന്ന കെ.​ഫോ​ണ്‍ പ​ദ്ധ​തി ജൂ​ലൈ​യി​ൽ പൂ​ർ​ത്തി​ക​രി​ക്കു​മെ​ന്ന് മ​ന്ത്രി പ്ര​ഖ്യാ​പി​ച്ചു. ഇ​തി​ന്‍റെ ആ​ദ്യ​ഘ​ട്ടം ഫെ​ബ്രു​വ​രി​യി​ൽ തു​ട​ങ്ങും.
കേ​ര​ള​ത്തി​ൽ ഇ​ന്‍റ​ർ​നെ​റ്റ് ഹൈ​വേ ഒ​രു ക​മ്പ​നി​യു​ടെ​യും കു​ത്ത​ക​യാ​വി​ല്ലെ​ന്നും കെ ​ഫോ​ണി​ന്‍റെ ഓ​ഹ​രി മൂ​ല​ധ​ന​ത്തി​ലേ​ക്ക് 166 കോ​ടി രൂ​പ സ​ർ​ക്കാ​ർ ന​ൽ​കു​മെ​ന്നും മ​ന്ത്രി ബ​ജ​റ്റി​ൽ പ്ര​ഖ്യാ​പി​ച്ചു.




Share this News Now:
  • Google+
Like(s): 2.6K