13 December, 2020 05:33:02 AM
സ്ത്രീവിരുദ്ധ പരാമർശം:ട്രഷറി ഡയറക്‌ടറോട് നേരിട്ടു ഹാജരാകാൻ വനിതാകമ്മീഷൻ
കണ്ണൂർ: എറണാകുളം ജില്ലാ ട്രഷറിയിലെ വനിതാ ജീവനക്കാരികളെ ഒന്നടങ്കം ആക്ഷേപിക്കുന്ന രീതിയിൽ ഉത്തരവിറക്കിയ സംഭവത്തിൽ ട്രഷറി ഡയറക്‌ടറോട് വിശദീകരണം ആവശ്യപ്പെട്ട് വനിതാ കമ്മീഷൻ. ട്രഷറി ഡയറക്ടർ എം.എം. ജാഫറിനോട് തിങ്കളാഴ്ച എറണാകുളം വൈഎംസിഎ ഹാളിൽ നടക്കുന്ന സിറ്റിംഗിൽ നേരിട്ടു ഹാജരാകാനാണ് കമ്മീഷൻ ഉത്തരവിട്ടത്.
എറണാകുളം ജില്ലാട്രഷറിയിലെ വിഷയവുമായി ബന്ധപ്പെട്ട് ട്രഷറി ഡയറക്ടർ പുറത്തിറക്കിയ ഉത്തരവിലായിരുന്നു സ്ത്രീവിരുദ്ധ പരാമർശം. ഉത്തരവിനെതിരേ ജീവനക്കാരുടെ സർവീസ് സംഘടനകൾ പ്രതിഷേധവുമായി രംഗത്തെത്തിയിരുന്നു. സംഭവം വിവാദമായതോടെ തൊട്ടടുത്ത ദിവസം ഉത്തരവ് പിൻവലിച്ചു. എന്നാൽ ഉത്തരവിനെതിരേ ഒരു വനിതാജീവനക്കാരിയുടെ ഭർത്താവ് ധനമന്ത്രിക്ക് പരാതി നൽകുകയും ഉത്തരവിറക്കാനിടയായ സാഹചര്യം സംബന്ധിച്ച് ധനവകുപ്പ് അന്വേഷണം നടത്തുകയും ചെയ്തിരുന്നു.
