17 November, 2020 07:43:12 AM
രാജ്യതലസ്ഥാനത്തെ ആശുപത്രികളിൽ കേന്ദ്ര സംഘം പരിശോധന നടത്തും
ദില്ലി: രാജ്യതലസ്ഥാനത്തെ ആശുപത്രികളിൽ കേന്ദ്ര സംഘം പരിശോധന നടത്തും. കോവിഡ് പരിശോധനകൾക്കും ചികിത്സയ്ക്കും കേന്ദ്ര ആരോഗ്യ മന്ത്രാലയം പുറപ്പെടുവിച്ചിട്ടുള്ള നിർദേശങ്ങൾ പാലിക്കപ്പെടുന്നുണ്ടോ എന്ന് പരിശോധിക്കുന്നതിനായാണ് വിദഗ്ധ സംഘമെത്തുന്നത്. ഇതിനു പുറമേ, ഡൽഹി സർക്കാരിന് കേന്ദ്രം നൽകിയിട്ടുള്ള നിർദേശങ്ങൽ പാലിക്കപ്പെടുന്നുണ്ടോ എന്നും സംഘം പരിശോധിക്കും.
ചൊവ്വാഴ്ച തന്നെ സംഘം പരിശോധന ആരംഭിക്കുമെന്നാണ് വിവരം. പരിശോധന പൂർത്തിയാക്കി രണ്ടു ദിവസത്തിനകം റിപ്പോർട്ട് സമർപ്പിക്കണമെന്നാണ് കേന്ദ്ര ആരോഗ്യമന്ത്രാലയം നിർദേശിച്ചിരിക്കുന്നത്. കേന്ദ്ര ആഭ്യന്തരമന്ത്രാലയമാണ് പരിശോധന സംബ ന്ധിച്ച വിവരങ്ങൾ മാധ്യമങ്ങളോട് വ്യക്തമാക്കിയത്.
