04 August, 2020 05:20:29 PM


സിവിൽ സർവീസ് പരീക്ഷാഫലം: സി.എസ്. ജയദേവിന് അഞ്ചാം റാങ്ക്; ലിസ്റ്റില്‍ പത്ത് മലയാളികള്‍



ദില്ലി: സിവിൽ സർവീസ് പരീക്ഷാ ഫലം പ്രസിദ്ധീകരിച്ചു. 2019 സെപ്റ്റംബറിൽ നടന്ന മെയിൻ എഴുത്തു പരീക്ഷയുടെയും 2020 ഫെബ്രുവരി മുതൽ ഓഗസ്റ്റു വരെ നടന്ന അഭിമുഖ പരീക്ഷയുടെയും ചേർന്നുള്ള ഫലമാണ് പ്രസിദ്ധീകരിച്ചത്. ആദ്യ 100 റാങ്കുകളില്‍ പത്ത് മലയാളികളും ഉൾപ്പെടുന്നു. സി.എസ്. ജയദേവ് അഞ്ചാം റാങ്ക് സ്വന്തമാക്കി.


കുടുംബസമേതം ബംഗളുരൂവില്‍ താമസിക്കുന്ന എഞ്ചിനീയര്‍മാരായ തൃശൂര്‍ സ്വദേശി സതീശന്‍റെയും കോട്ടയം ഏറ്റുമാനൂര്‍ സ്വദേശി രോഷ്നിയുടെയും ഏകമകനാണ് ജയദേവ്. അമ്മവീടായ ഏറ്റുമാനൂര്‍ ശക്തിനഗറില്‍ വികെബി റോഡിലെ ഉദയനായില്‍ താമസിച്ചായിരുന്നു പ്രീപ്രൈമറി വിദ്യാഭ്യാസം, പിന്നീട് പ്രൈമറി മുതല്‍ ജയദേവ് പഠിച്ചത് ബംഗളുരുവിലാണ്.


റാങ്ക് നേടിയ മലയാളികൾ (റാങ്ക്, പേര് എന്നീ ക്രമത്തിൽ)


5 സിഎസ്. ജയദേവ് 
36 ആർ. ശരണ്യ
45 സഫ്ന നസ്റുദ്ദീൻ
47 ആർ. ഐശ്വര്യ
55 അരുൺ എസ്. നായർ
68 എസ്. പ്രിയങ്ക
71 ബി. യശശ്വിനി 
89 നിഥിൻ കെ. ബിജു
92 എ.വി. ദേവി നന്ദന
99 പി.പി. അർച്ചന


പ്രദീപ് സിങ്ങിനാണ് ഒന്നാം റാങ്ക്. ജതിൻ കിഷോർ, പ്രതിഭ വർമ എന്നിവർക്കാണ് രണ്ടും മൂന്നും റാങ്കുകൾ. www.upsc.gov.in എന്ന വെബ്‌സൈറ്റ് വഴി ഉദ്യോഗാര്‍ത്ഥികള്‍ക്ക് ഫലം പരിശോധിക്കാം. രാജ്യത്താകെ 829 പേരാണ് യോഗ്യത നേടിയത്. ഇവരെ യഥാക്രമം ഐഎഎസ്, ഐഎഫ്എസ്, ഐപിഎസ്, കേന്ദ്ര സർവീസ് ഗ്രൂപ് എ, ബി എന്നവിടങ്ങളിൽ നിയമിക്കും



Share this News Now:
  • Google+
Like(s): 6.8K