26 July, 2020 11:49:42 AM
മഹാരാഷ്ട്രയില്‍ 8,483 പോലീസുകാര്‍ക്ക് കോവിഡ്: 93 മരണം; ആകെ രോഗികൾ 3,66,368 
മുംബൈ: മഹാരാഷ്ട്രയില്‍ പോലീസ് ഉദ്യോഗസ്ഥര്‍ക്കിടയില്‍ കൊറോണ വ്യാപനം രൂക്ഷമാകുന്നു. സംസ്ഥാനത്തെ പോലീസ് സേനയില്‍ രോഗം സ്ഥിരീകരിച്ചവരുടെ ആകെ എണ്ണം 8,483 ആയി. നിലവിൽ 1,919 പോലീസുകാരാണ് രോഗം ബാധിച്ച് ചികിത്സയിലുള്ളത്. 6,471 ഉദ്യോഗസ്ഥർ രോഗമുക്തി നേടിയതായും സംസ്ഥാന പോലീസ് വക്താക്കള്‍ പ്രസ്താവനയില്‍ വ്യക്തമാക്കി.
സംസ്ഥാനത്ത് 93 പേർ രോഗബാധയെ തുടർന്നു മരണപ്പെട്ടു. രാജ്യത്ത് ഏറ്റവും കൂടുതല്‍ കോവിഡ് കേസുകളുള്ള സംസ്ഥാനമാണ് മഹാരാഷ്ട്ര. സംസ്ഥാനത്ത് 3,66,368 പേര്‍ക്കാണ് കോവിഡ് സ്ഥിരീകരിച്ചത്. രോഗം ബാധിച്ച് മരണപ്പെട്ടവരുടെ എണ്ണം 13,389 ആയി.
