07 July, 2020 06:25:02 PM
കോട്ടയം ജില്ലയില്‍ ഇന്ന് നാല് പേര്‍ക്ക് കൂടി കോവിഡ്; ചികിത്സയില്‍ ആകെ 112 പേര്‍
കോട്ടയം: ജില്ലയില്‍ മൂന്നു പേര്‍ക്കു കൂടി കോവിഡ് -19 സ്ഥിരീകരിച്ചു. രണ്ടു പേര്‍ മറ്റു സംസ്ഥാനങ്ങളില്‍നിന്നും ഒരാള്‍ വിദേശത്തുനിന്നുമാണ് എത്തിയത്. അതേസമയം ഈ ലിസ്റ്റില്‍ ഉള്‍പ്പെടാത്ത ഏറ്റുമാനൂര്‍ സ്വദേശിയായ ഒരു യുവതിക്ക് കൂടി ഇന്ന് ഉച്ചക്കുശേഷം കോവിഡ് സ്ഥിരീകരിച്ചിട്ടുണ്ട്. ഇത് കൂടി പരിഗണിച്ചാല്‍ രോഗം ബാധിച്ച് ചികിത്സയിലുള്ള കോട്ടയം ജില്ലക്കാരുടെ എണ്ണം 112 ആയി.
പുതിയതായി രോഗം സ്ഥിരീകരിച്ചവര്‍
1. മസ്‌കറ്റില്‍നിന്നും ജൂണ്‍ 21ന് എത്തി രാമപുരത്തെ ബന്ധുവിട്ടില്‍ ക്വാറന്റയിനില്‍ കഴിഞ്ഞിരുന്ന മുത്തോലി സ്വദേശി (43). രോഗലക്ഷണങ്ങള്‍ ഉണ്ടായിരുന്നില്ല.
2. ഡല്‍ഹിയില്‍നിന്നും ജൂണ്‍ 24ന് വിമാനത്തില്‍ എത്തി ചൂണ്ടച്ചേരിയിലെ ക്വാറന്റയിന്‍ കേന്ദ്രത്തില്‍ കഴിഞ്ഞിരുന്ന പൈക സ്വദേശി (30). രോഗലക്ഷണങ്ങള്‍ ഉണ്ടായിരുന്നു.
3. ചെന്നൈയില്‍നിന്നും ജൂണ്‍ 15ന് എത്തി ഹോം ക്വാറന്റയിനില്‍ കഴിഞ്ഞിരുന്ന അയര്‍ക്കുന്നം സ്വദേശി (38).
4. ചെന്നൈയില്‍ നിന്നെത്തി ഹോം ക്വാറന്റയിനില്‍ കഴിഞ്ഞിരുന്ന ഏറ്റുമാനൂര്‍ സ്വദേശിനി (27)
മുംബൈയില്‍നിന്നെത്തി ജൂണ്‍ 22ന് രോഗം സ്ഥിരീകരിച്ച നെടുംകുന്നം സ്വദേശിനി (19) രോഗമുക്തയായി. ഇതുവരെ ജില്ലയില്‍നിന്നുള്ള 270 പേര്‍ക്ക് രോഗം ബാധിച്ചു. ഇതില്‍ 159 പേര്‍ രോഗമുക്തരായി.
