25 June, 2020 07:55:58 PM


ഷൊര്‍ണൂര്‍ ടെക്‌നിക്കല്‍ ഹൈസ്‌കൂളില്‍ അധ്യാപകരുടെ ഒഴിവുകള്‍: അഭിമുഖം വെള്ളിയാഴ്ച



ഷൊര്‍ണൂര്‍: ഷൊര്‍ണൂര്‍ ഗവ. ടെക്‌നിക്കല്‍ ഹൈസ്‌കൂളില്‍ 'എന്റിച്ച് യുവര്‍ ഇംഗ്ലീഷ്' വിഷയം പഠിപ്പിക്കുന്നതിന് സ്ഥാപനത്തിലെ പി.ടി.എയുടെ കീഴില്‍ ഇംഗ്ലീഷ് അധ്യാപകനെ നിയമിക്കുന്നു. ഇംഗ്ലീഷ് ഐച്ഛിക വിഷയമായെടുത്ത് ബിരുദവും ബി.എഡുമാണ് യോഗ്യത. പ്രവൃത്തി പരിചയം അഭികാമ്യം. കമ്പ്യൂട്ടര്‍ പരിജ്ഞാനം അധിക യോഗ്യതയായി കണക്കാക്കും. താത്പര്യമുളളവര്‍ അസ്സല്‍ സര്‍ട്ടിഫിക്കറ്റുമായി ജൂണ്‍ 26ന് ഉച്ചയ്ക്ക് 12 ന് കൂടിക്കാഴ്ചയ്ക്ക് എത്തണമെന്ന് സൂപ്രണ്ട് അറിയിച്ചു. ഫോണ്‍ : 04662222197.

ഒഴിവുളള മലയാളം ഭാഗിക സമയം, ഫിസിക്കല്‍ സയന്‍സ് (രസതന്ത്രം) അധ്യാപകരുടെ തസ്തികകളില്‍  താത്ക്കാലിക നിയമനം നടത്തുന്നു. മലയാളം ഭാഗിക സമയ അധ്യാപക ഒഴിവിലേക്ക് മലയാളം ഐച്ഛിക വിഷയമായ ബിരുദവും ബി.എഡുമാണ് യോഗ്യത. ഫിസിക്കല്‍ സയന്‍സ് അധ്യാപക ഒഴിവിലേക്ക് രസതന്ത്രം ഐച്ഛിക വിഷയമായ ബിരുദവും ബി.എഡുമുളളവര്‍ക്കാണ് അവസരം. പ്രവൃത്തി പരിചയം അഭികാമ്യം. വേതനം മണിക്കൂര്‍ അടിസ്ഥാനത്തിലായിരിക്കും നല്‍കുക. താത്പര്യമുളളവര്‍ യോഗ്യത, പ്രായം  തെളിയിക്കുന്ന അസല്‍ സര്‍ട്ടിഫിക്കറ്റുകളും തിരിച്ചറിയല്‍ രേഖയുമായി ജൂണ്‍ 26 രാവിലെ 10 ന് സൂപ്രണ്ടിന്റെ കാര്യാലയത്തില്‍ കൂടിക്കാഴ്ചയ്ക്ക് എത്തണം. ഫോണ്‍ : 04662222197.



Share this News Now:
  • Google+
Like(s): 2.6K