14 June, 2020 07:02:20 PM
സെക്യൂരിറ്റി ജീവനക്കാരന് വെള്ളത്തില് വീണ് മരിച്ചു
ആലപ്പുഴ: മുനിസിപ്പാലിറ്റി പള്ളാത്തുരുത്തി വാർഡിൽ പഴവീട് ചക്രപ്പുരക്കൽ കേശവന്റെ മകൻ ചന്ദ്രൻ (60) മുങ്ങി മരിച്ചു. ഞായറാഴ്ച വൈകിട്ട് 3.45 മണിയോടെ ചക്രപ്പുരക്കൽ പാലത്തിന് സമീപം കനാൽ കൽകെട്ടിൽ നിന്നും കാൽ വഴുതി വെള്ളത്തിൽ വീണതെന്ന് പറയപ്പെടുന്നു. ഫയർഫോഴ്സ് എത്തി വെള്ളത്തിൽ നിന്നും എടുത്ത് ആലപ്പുഴ ജനറൽ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ചുങ്കം ബാബു ഓയിൽ മിൽസിലെ സെക്യൂരിറ്റി ജീവനക്കാരനായിരുന്നു. ആലപ്പുഴ സൗത്ത് പൊലീസ് മേല്നടപടികള് സ്വീകരിച്ച് മൃതദേഹം പോസ്റ്റ്മോർട്ടത്തിനായി വണ്ടാനം മെഡിക്കല് കോളേജ് ആശുപത്രിയിലേക്ക് മാറ്റി.