06 June, 2020 01:35:53 AM


സ്വയംഭോഗത്തിന് മൊബൈൽ ചാർജർ കേബിൾ; മൂത്രസഞ്ചിയിൽ കുടുങ്ങിയ കേബിളിനായി ഓപ്പറേഷൻ




ഗുവാഹത്തി: കലശലായ വയറുവേദനയുമായി ആശുപത്രിയിലെത്തിയ രോഗിയുടെ മൂത്രസഞ്ചിയിൽ നിന്ന്​ ഡോക്​ടർമാർ ഓപറേഷൻ ചെയ്​തെടുത്തത്​ മൊബൈൽ ചാർജർ കേബ്​ൾ. അസമിലാണ്​ വിചിത്രമായ സംഭവം. രണ്ടരയടി നീളമുള്ള മൊബൈൽഫോൺ ചാർജർ അബദ്ധത്തിൽ വിഴുങ്ങിയെന്ന്​ പറഞ്ഞാണ്​ 30കാരൻ​ ആശുപത്രിയിലെത്തിയത്​. 


എന്നാൽ ശസ്​ത്രക്രിയ വേളയിൽ ഇയാൾ കള്ളം പറയുകായിരുന്നുവെന്നും മൂത്രനാളത്തിലൂടെയാണ്​ കേബ്​ൾ മൂത്രസഞ്ചിയിലെത്തിയതെന്നും വ്യക്​തമായി. സ്വകാര്യ ഭാഗങ്ങളിലൂടെ കേബിളുകളും മറ്റും കടത്തി സ്വയംഭോഗം ചെയ്യുന്ന സ്വഭാവം ഇയാൾക്കുണ്ടായിരുന്നതായും ഇക്കുറി കാര്യങ്ങൾ കൈവിട്ടുപോകുകയായിരുന്നുവെന്ന്​ ഡോക്​ടർ പറഞ്ഞു. കേബ്​ൾ  ഓപറേഷനിലൂ​ടെ എടുത്തുമാറ്റി. രോഗി സുഖംപ്രാപിച്ചു വരുന്നു. 


ചാർജർ അബദ്ധത്തിൽ വിഴുങ്ങിയെന്നും ഭയങ്കര വയറുവേദനയാണെന്നും പറഞ്ഞാണ്​ രോഗി ആശുപത്രിയിലെത്തിയത്​. എന്നാൽ എൻഡോസ്​കോപി പരിശോധനയിൽ കേബ്​ൾ കണ്ടെത്താനായില്ല. ഓപറേഷൻ ടേബിളിൽ കിടക്കവേ എക്​സ്​റേ എടുത്തപ്പോഴാണ്​ കേബ്​ൾ ഇയാളുടെ മൂത്രസഞ്ചിയിലാണുള്ളതെന്ന്​ മനസിലായത്' - ആ​ശുപത്രിയിൽ സർജനായ ഡോക്​ടർ വലിയുൽ ഇസ്​ലാം പറഞ്ഞു​. 


കേബ്​ൾ വായിലൂടെ ഉള്ളിൽ കടന്നെന്ന്​ അയാൾ കള്ളം പറയുകയായിരുന്നു. എന്നാൽ മൂത്രനാളത്തിലൂടെയാണ്​ അത്​ ഉള്ളിലെത്തിയത്​. 25 വർഷമായി ശസ്​ത്രക്രിയ നടത്തുന്ന തന്റെ ജീവിതത്തിൽ ആദ്യമായാണ്​ ഇത്തരമൊരു സംഭവമെന്നും ഡോക്​ടർ ഇസ്​ലാം പറഞ്ഞു. രോഗി സത്യം പറഞ്ഞിരുന്നെങ്കിൽ അയാൾ ചെയ്​ത രീതിയിൽ തന്നെ കേബ്​ൾ പുറത്തെടുക്കാൻ സാധിക്കുമായിരുന്നു. എന്നാൽ അയാൾ കള്ളം പറഞ്ഞതുകൊണ്ട്​ മാത്രമാണ്​ ശസ്​ത്രക്രിയ നടത്തേണ്ടി വന്നതെന്ന്​ അദ്ദേഹം കൂട്ടിച്ചേർത്തു. കേബ്​ൾ കയറ്റി അഞ്ചുദിവസങ്ങൾക്ക്​ ശേഷമാണ്​ രോഗി ആശുപത്രിയിലെത്തിയത്.



Share this News Now:
  • Google+
Like(s): 5.6K