09 May, 2020 12:47:30 PM


ഉത്തരവ്​ ലംഘിച്ച്​ കട തുറന്നു; ടി. നസറുദ്ദീനുൾപ്പടെ അഞ്ച്​ പേർക്കെതിരെ കേസ്​



കോഴിക്കോട്​: ജില്ലാ കലക്​ടറുടെ ഉത്തരവ്​ ലംഘിച്ച്​ കോഴിക്കോട്​ മിഠായി​തെരുവിൽ കട തുറന്ന വ്യാപാരി വ്യവസായി ഏകോപന സമിതി പ്രസിഡൻറ്​ ടി.നസറുദ്ദീനെതിരെ കേസ്.​ ​ഉടൻ തന്നെ പൊലീസെത്തി കട അടപ്പിച്ചു. തുടർന്ന്​ നസറുദ്ദീനുൾപ്പടെ അഞ്ച്​ പേർക്കെതിരെ പൊലീസ്​ കേസെടുത്തു.

കട തുറക്കരു​തെന്ന ഉത്തരവ്​ നിലനിൽക്കുന്നുണ്ടെങ്കിലും കലക്​ടറുമായി ഇക്കാര്യം സംസാരിച്ചപ്പോൾ എതിർത്തിരുന്നില്ലെന്ന്​നസറുദ്ദീൻ പറഞ്ഞു. അതിനാലാണ്​ ഇന്ന്​ രാവിലെ കട തുറന്നതെന്നും അദ്ദേഹം വ്യക്​തമാക്കി. അവശ്യസാധനങ്ങൾ വിൽക്കുന്ന കടകൾക്ക്​ പുറമേ ഒറ്റനിലയുള്ള തുണിക്കടകളും തുറന്ന്​ പ്രവർത്തിക്കാൻ മൂന്നാംഘട്ട ലോക്​ഡൗൺ പ്രഖ്യാപിച്ചപ്പോൾ സംസ്ഥാന സർക്കാർ അനുമതി നൽകിയിരുന്നു.


എന്നാൽ, സംസ്ഥാന സർക്കാറിൻെറ ഇളവുകൾ മിഠായി തെരുവിലും വലിയങ്ങാടിയിലും ബാധകമല്ലെന്നാണ്​ കലക്​ടറുടെ ഉത്തരവ്​. രണ്ടിടത്തും അവശ്യസാധനങ്ങൾ വിൽക്കുന്ന കടകൾക്ക്​ മാത്രമാണ്​ പ്രവർത്തനാനുമതി. കഴിഞ്ഞ തിങ്കളാഴ്​ചയും മിഠായിതെരുവിൽ തുറന്ന കടകൾ പൊലീസെത്തി അടപ്പിച്ചിരുന്നു.



Share this News Now:
  • Google+
Like(s): 2.6K