28 March, 2020 02:40:37 AM


ഭാര്യയെ മര്‍ദിച്ചതിന് സി.പി.എം. നേതാവ് അറസ്റ്റില്‍; ലോക്ക്‌ഡൗണ്‍ ലംഘിച്ചതിനും കേസ്‌



കാസര്‍ഗോഡ്‌: ഭാര്യയെ ദേഹോപദ്രവം ഏല്‍പ്പിച്ച കുറ്റത്തിനു സി.പി.എം. പ്രാദേശിക നേതാവിനെ പോലീസ്‌ അറസ്‌റ്റ്‌ ചെയ്‌തു. കുറ്റിക്കോല്‍ നെല്ലിത്താവ്‌ ഏലംകുളം വീട്ടില്‍ വേണുഗോപാലനാ(45)ണ്‌ അറസ്‌റ്റിലായത്‌. സി.പി.എം. നെല്ലിത്താവ്‌ ബ്രാഞ്ച്‌ സെക്രട്ടറിയാണു വേണുഗോപാലന്‍.


ദേഹോപദ്രവമേല്‍പ്പിച്ചെന്ന് ചൂണ്ടിക്കാട്ടി ഭാര്യ നല്‍കിയ പരാതിയുടെ അടിസ്‌ഥാനത്തിലാണു ബേഡകം പോലീസ്‌ ഇയാളെ അറസ്‌റ്റ്‌ ചെയ്‌തത്‌. കോവിഡ്‌ വ്യാപനം തടയാന്‍ പ്രഖ്യാപിച്ച ലോക്ക്‌ ഡൗണ്‍ ലംഘിച്ചു കഴിഞ്ഞ ദിവസം ബന്തടുക്ക പോസ്‌റ്റോഫീസിനു സമീപം സഞ്ചരിച്ചതിനും ഇയാള്‍ക്കെതിരേ കേസെടുത്തതായി പോലീസ്‌ അറിയിച്ചു.



Share this News Now:
  • Google+
Like(s): 5.4K