17 February, 2020 01:49:55 PM
നെടുങ്കണ്ടം കസ്റ്റഡി മരണം: മുൻ എസ്ഐ സാബുവിനെ സിബിഐ അറസ്റ്റു ചെയ്തു
നെടുങ്കണ്ടം: പീരുമേട് സബ്ജയിലിൽ റിമാൻഡ് പ്രതി രാജ്കുമാർ മരിച്ച കേസിൽ ഒന്നാം പ്രതി മുൻ എസ്ഐ കെ.എ. സാബു അറസ്റ്റിൽ. ഞായറാഴ്ച രാത്രി സിബിഐയാണ് സാബുവിനെ അറസ്റ്റു ചെയ്തത്. നെടുങ്കണ്ടം കസ്റ്റഡി മരണ കേസിൽ സിബിഐയുടെ ആദ്യ അറസ്റ്റാണിത്. സാബുവിന്‍റെ ജാമ്യം നേരത്തെ സുപ്രീംകോടതി റദ്ദാക്കിയിരുന്നു. ഇതേതുടർന്നാണ് സിബിഐയുടെ നടപടി. ഇന്ന് സാബുവിനെ കോടതിയിൽ ഹാജരാക്കും.
നെടുങ്കണ്ടം തൂക്കുപാലത്ത് സാമ്പത്തിക തട്ടിപ്പു കേസിൽ റിമാൻഡിലായ വാഗമൺ കോലാഹലമേട് സ്വദേശിയായ രാജ്കുമാർ 2019 ജൂൺ 21നാണു പീരുമേട് സബ് ജയിലിൽ മരിച്ചത്. രാജ്കുമാർ ക്രൂരമർദനത്തിന് ഇരയായി എന്നു പോസ്റ്റ്മോർട്ടത്തിൽ കണ്ടെത്തിയിരുന്നു.
