09 February, 2020 06:18:10 AM
ഭാരതീയ വിചാരകേന്ദ്രം ഡയറക്ടര് പി. പരമേശ്വരന് അന്തരിച്ചു
പാലക്കാട്: ഭാരതീയ വിചാരകേന്ദ്രം ഡയറക്ടര് പി. പരമേശ്വരന് (93) അന്തരിച്ചു. ഒറ്റപ്പാലത്ത് സ്വകാര്യ ആശുപത്രിയില് ചികിത്സയിലായിരുന്നു അദ്ദേഹം. രാഷ്ട്രീയ സ്വയംസേവക സംഘത്തിന്റെ മുതിര്ന്ന പ്രചാരകനും ചിന്തകനുമായിരുന്നു പരമേശ്വരൻ. കേരളത്തില് രാമായണമാസാചരണം, ഭഗവദ് ഗീതാ പ്രചാരണം എന്നിവയുടെ നടത്തിപ്പില് നിര്ണായക പങ്കുവഹിച്ചു. ഡല്ഹി ദീന് ദയാല് ഇന്സ്റ്റിറ്റ്യൂട്ട് ഡയറക്ടര്, കന്യാകുമാരി വിവേകാനന്ദകേന്ദ്രം പ്രസിഡന്റ് എന്നിങ്ങനെ ഒട്ടേറെ പദവികള് അദ്ദേഹം വഹിച്ചു. രാജ്യം പത്മശ്രീ, പദ്മ വിഭൂഷണ് എന്നീ ബഹുമതികള് നല്കി ആദരിച്ചിട്ടുണ്ട്. ആര്ഷസംസ്കാര പരമശ്രേഷ്ഠ പുരസ്കാരം അമൃതകീര്ത്തി പുരസ്കാരമുള്പ്പെടെയുള്ള ബഹുമതികളും ലഭിച്ചിട്ടുണ്ട്.