Breaking News
മാപ്പിളപാട്ട് ഗായകന്‍ എം കുഞ്ഞിമൂസ അന്തരിച്ചു... ചലച്ചിത്ര നടന്‍ സത്താര്‍ അന്തരിച്ചു... ചാലക്കുടിപ്പുഴയോരത്ത് ജാഗ്രതാ നിർദേശം ... റെഡ് അലേർട്ട് പ്രഖ്യാപിച്ചു... പാലാരിവട്ടം പാലം പൊളിച്ച് പണിയുവാന്‍ ഇ ശ്രീധരനെ ചുമതലപ്പെടുത്തി... എറണാകുളം കാരിക്കോട് കാർ ലോറിയുമായി കൂട്ടിയിടിച്ച് ഒരു മരണം... കൊ​ളം​ബി​യ​യി​ൽ ചെ​റു​വി​മാ​നം ത​ക​ർ​ന്ന് ഏ​ഴ് പേ​ർ മരി​ച്ചു... മുണ്ടക്കയത്ത് സ്വകാര്യ ബസും കെ.എസ്.ആർ.ടി.സി ബസും കൂട്ടിയിടിച്ച് അൻപതോളം യാത്രക്കാർക്ക് പരിക്ക്... കോ​ട്ട​യം തു​രു​ത്തി മി​ഷ​ൻ പ​ള്ളി​ക്കു സ​മീ​പം കാ​ർ ടാ​ങ്ക​ർ ലോ​റി​യി​ൽ ഇ​ടി​ച്ച് ഒ​രാ​ൾ മ​രി​ച്ചു... കവിയും സാഹിത്യകാരനുമായ കിളിമാനൂര്‍ മധു അന്തരിച്ചു... ഏറ്റുമാനൂര്‍ വിജയ ബുക്ക് സ്റ്റാള്‍ ഉടമ കാണക്കാരി ഞാറത്തടത്തില്‍ എന്‍.എം.മത്തായി അന്തരിച്ചു... ഉത്തര്‍പ്രദേശില്‍ രാഷ്ട്രപിതാവ് മഹാത്മാ ഗാന്ധിയുടെ പ്രതിമ തകർത്തു...

04 August, 2019 09:47:53 AM


കനത്ത സുരക്ഷയെന്ന് അവകാശവാദം; മെഡി. കോളേജ് ആശുപത്രിയ്ക്കുള്ളില്‍ തെരുവുനായ്ക്കളുടെ സ്വൈര്യവിഹാരം



കോട്ടയം: കനത്ത സുരക്ഷയെന്ന് അവകാശവാദം ഉയർത്തി രോഗികളെയും കൂട്ടിരിപ്പുകാരെയും ആശുപത്രിക്കുള്ളിലേക്ക് കടത്തിവിടുന്നതില്‍ കര്‍ശന നിലപാടെടുക്കുന്ന സെക്യൂരിറ്റി ജീവനക്കാരുടെയും അധികൃതരുടെയും കണ്ണുകള്‍ പക്ഷെ രോഗികൾക്കിടയിൽ വിലസുന്ന തെരുവുനായ്ക്കളുടെ മേൽ പതിയാത്തതത് ഏവരെയും ആശ്ചര്യപ്പെടുത്തുന്നു. കോട്ടയം മെഡിക്കല്‍ കോളേജ് ആശുപത്രിയിലാണ് സംഭവം. 


കാന്‍സര്‍ വാര്‍ഡിനു സമീപം കുറ്റിക്കാട്ടില്‍ ലോട്ടറി ജീവനക്കാരിയെ കൊന്ന് തള്ളിയതുള്‍പ്പെടെയുള്ള സംഭവങ്ങള്‍ ആശുപത്രിയിലെ സെക്യൂരിറ്റി സംവിധാനത്തിലെ പാളിച്ച മറനീക്കി പുറത്തുകൊണ്ടുവരികയായിരുന്നു. അതിനു പിന്നാലെയാണ് ആശുപത്രിക്കുള്ളില്‍ രോഗികള്‍ക്കിടയിലൂടെ അലഞ്ഞുതിരിയുന്ന തെരുവു നായ്ക്കളുടെ ചിത്രങ്ങള്‍ പുറത്ത് വന്നത്. അത്യാഹിതവിഭാഗം പ്രവര്‍ത്തിച്ചിരുന്ന പഴയ കെട്ടിടത്തില്‍ ഇപ്പോള്‍ ഔട്ട് പേഷ്യന്‍റ് വിഭാഗം പ്രവര്‍ത്തിക്കുന്നുണ്ട്.


ഇവിടെ സ്ട്രക്ചറില്‍ രോഗിയേയും കൊണ്ട് ബന്ധുക്കള്‍ കഴിഞ്ഞ ദിവസം നീങ്ങിയത് മുന്നിലും പിന്നിലും നായ്ക്കളുടെ അകമ്പടിയോടെ. നായ്ക്കളുടെ കടിയേറ്റ് തങ്ങളും ആശുപത്രിയില്‍ അഡ്മിറ്റ് ആകേണ്ടിവരുമോ എന്നായിരുന്നു രോഗിയുടെ കൂടെ എത്തിയവരുടെ പേടി. നായ്ക്കള്‍ സ്വൈര്യവിഹാരം നടത്തുന്നത് ശ്രദ്ധയില്‍ പെട്ടിട്ടും സ്ഥലത്തുണ്ടായിരുന്ന സെക്യൂരിറ്റി ജീവനക്കാരോ ആശുപത്രി ജീവനക്കാരോ അവയെ ഓടിച്ചു വിടാന്‍ തയ്യാറായില്ലെന്നും ആരോപണമുയര്‍ന്നു. ഭാവിയില്‍ ഇവ വാര്‍ഡുകളിലേക്കും എത്തികൂടെന്നില്ലെന്നാണ് രോഗികള്‍ ഭയപ്പെടുന്നത്.



Share this News Now:
  • Google+
Like(s): 113