Breaking News
പത്തനംതിട്ട ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് ഇന്ന് അവധി... തിരുവനന്തപുരം ജില്ലയിലെ വിദ്യാഭ്യാസ സ്ഥാപനങ്ങള്‍ക്ക് തിങ്കളാഴ്ച അവധി ... തൃശൂരില്‍ ഉച്ചയ്ക്കു ശേഷം അവധി... തെള്ളകത്ത് പള്ളിയില്‍ കുര്‍ബാനയ്ക്ക് പോയ എരുമേലി സ്വദേശിനി വീട്ടമ്മ കാറിടിച്ച് മരിച്ചു... കുന്നംകുളം പാറേംപാടത്ത് സ്വകാര്യബസ് കാനയിലേക്ക് മറിഞ്ഞ് നിരവധി പേർക്ക് പരിക്ക്... ഏറ്റുമാനൂര്‍ ചെറുവാണ്ടൂരില്‍ ഓട്ടോയും ലോറിയും കൂട്ടിയിടിച്ച് തിരുവഞ്ചൂര്‍ സ്വദേശി യുവാവ് മരിച്ചു... വിവരാവകാശ കമ്മീഷന്‍റെ ഹിയറിങ്ങിൽ ഹാജരാകാത്ത സർക്കാർ ഉദ്യോഗസ്ഥർക്കെതിരെ നടപടി... മാധ്യമം ഈരാറ്റുപേട്ട ലേഖകന്‍ അബ്ദുള്‍ കരിം ബൈക്കപകടത്തില്‍ മരിച്ചു... മദ്യലഹരിയില്‍ സൃഹൃത്ത് റോഡിലേയ്ക്ക് തള്ളിയിട്ട യുവാവ് ലോറി കയറി മരിച്ചു...

02 May, 2019 08:45:46 PM


ക്ഷീണം തീര്‍ക്കാന്‍ കഞ്ചാവ്: 'ജമീലാന്‍റെ പൂവൻകോഴി'യിലെ നായകനും ക്യാമറാമാനും അറസ്റ്റില്‍



കൊച്ചി: ഷൂട്ടിങ് സെറ്റിലെ ക്ഷീണം തീര്‍ക്കാന്‍ സ്ഥിരമായി കഞ്ചാവ് ഉപയോഗിച്ചു വന്ന നായകനടനും ക്യാമറാമാനും അറസ്റ്റില്‍. ഇത്ത പ്രൊഡക്‌ഷൻസിന്റെ ബാനറിൽ നിർമിക്കുക്കുന്ന 'ജമീലാന്‍റെ പൂവൻകോഴി' എന്ന സിനിമയിലെ നായകനും കോഴിക്കോട് സ്വദേശിയുമായ മിഥുൻ (25), ക്യാമറാമാൻ ബെംഗളൂരു സ്വദേശി വിശാൽ വർമ എന്നിവരാണ് എക്സൈസ് പരിശോധനയിൽ പിടിയിലായത്. സെറ്റുകളിൽ മയക്കുമരുന്ന് എത്തിക്കുന്ന സംഘങ്ങളെക്കുറിച്ച് ലഭിച്ച പരാതിയുടെ അടിസ്ഥാനത്തിലായിരുന്നു പരിശോധന. 


രണ്ടു മാസമായി ഫോർട്ട് കൊച്ചിയിലെ ഫോർട്ട് നഗറിൽ സ്വകാര്യ ഹോംസ്റ്റേയിൽ താമസിച്ചു വരികയായിരുന്നു ഇരുവരും. അഭിനയത്തിന്റെ ക്ഷീണം തീർ‌ക്കാൻ പതിവായി മയക്കുമരുന്ന് ഉപയോഗിക്കാറുണ്ടെന്നാണു പ്രതികൾ പറഞ്ഞതെന്ന് എക്സൈസ് അറിയിച്ചു. സെറ്റുകളിൽ മയക്കുമരുന്ന് എത്തിക്കുന്നവർക്കായുള്ള അന്വേഷണം ശക്തമാക്കിയതായി എക്സൈസ് വ്യക്തമാക്കി. കൊച്ചി എക്സൈസ് സർക്കിൾ ഇൻസ്പെക്ടർ ടി.എസ്.ശശികുമാറിന്റെ നേതൃത്വത്തിലായിരുന്നു റെയ്ഡ്.



Share this News Now:
  • Google+
Like(s): 321